________________
१४०
उत्तरज्झयणं
सोलसमं अभयणं
बम्भचेरसमाहिठाणं
सू० १ - सुयं मे, आउसं ! तेणं भगवया एवमक्खायं
इह खलु थेरेहिं भगवन्तेहिं दस वम्भचेरसमाहिठाणा पन्नत्ता, जे भिक्खू सोच्चा, निसम्म, संजमवहुले, संवरवहुले, समाहिवहुले गुत्ते, गुत्तिन्दिए, गुत्तवम्भयारी सया अप्पमत्ते विहरेज्जा ।
सू०
०२ - कयरे खलु ते थेरेहिं भगवन्तेहिं दस वम्भरसमाहिठाणा पन्नत्ता ? जे भिक्खू सोच्चा, निसम्म, संजमवहुले, संवरबहुले, समाहिवहुले, गुत्त, गुत्तिन्दिए, गुत्तवम्भयारी सया अप्पमत्ते विहरेज्जा ?
सू० ३ - इमे खलु ते थेरेहिं भगवन्तेहिं दस वम्भचेरसमाहिठाणा पन्नत्ता, जे भिक्खू सोच्चा, निसम्म, संजमवहुले, संवरवहुले समाहिवहुले, गुत्ते, गुत्तिन्दिए, गुत्तवम्भयारी सया अप्पमत्ते विहरेज्जा, तं जहा - विवित्ताई सयणासणाई सेविज्जा, से निग्गन्थे । नो इत्थीपसुपण्डगसंसत्ताई सयणासाई सेवित्ता हवइ, से निग्गन्थे ।
तं कहमिति चे ?
आयरियाह - निग्गन्थस्स खलु इत्थीपसुपण्डगसंसत्ताई सयणासणाई सेवमाणस्स वम्भयारिस्स वम्भचेरे संका वा, कंखा वा वितिगिच्छा वा समुप्पज्जिज्जा, भेयं वा लभेज्जा, उम्मायं वा पाउणिज्जा, दीहकालियं वा रोगायकं हवेज्जा, केवलिपन्नत्ताओ वा धम्माओ भंसेज्जा । तम्हा नो इत्थिपसुपण्डगसंसत्ताई सयणासणाई सेवित्ता हवइ, से निग्गन्थे ।
