________________
सोलसमं अज्झयणं
१४१
सू० ४-नो इत्थीणं कहं कहित्ता हवइ, से निग्गन्थे ।
तं कहमिति चे ?
आयरियाह-निग्गन्थस्स खलु इत्थीणं कहं कहेमाणस्स, वम्भयारिस्स वम्भचेरे संका वा, कंखा वा, वितिगिच्छा वा समुप्पज्जिज्जा, भेयं वा लभेज्जा, उम्मायं वा पाउणिज्जा, दीहकालियं वा रोगायंकं हवेज्जा, केवलिपन्नत्ताओ वा धम्माओ भंसेज्जा । तम्हा नो इत्थीणं कहं कहेज्जा। सू० ५–नो इत्थीहिं सद्धि सन्निसेज्जागए विहरित्ता हवइ, से निग्गन्थे।
तं कहमिति चे ?
आयरियाह-निग्गन्थस्स खलु इत्थीहिं सद्धि सन्निसेज्जाग यस्स, वम्भयारिस्स वम्भचेरे संका वा, कंखा वा, वितिगिच्छा वा समुप्पज्जिज्जा, भेयं वा लभेज्जा, उम्मायं वा पाउणिज्जा, दीहकालियं वा रोगायंकं हवेज्जा, केवलिपन्नत्ताओ वा धम्माओ भंसेज्जा। तम्हा खलु नो निग्गन्थे इत्थोहिं सद्धि सन्निसेज्जागए विहरेज्जा। सू०६-नो इत्थीणं इन्दियाई . मणोहराइं. आलोइत्ता, निज्झाइत्ता हवइ, से निग्गन्थे ।
तं कहमिति चे ?
आयरियाह-निग्गन्थस्स खलु इत्थीणं इन्दियाई मणोहराई, मणोरमाइं आलोएमाणस्स, निज्झायमाणस्स वम्भयारिस्स वम्भचेरे संका वा, कंखा वा, वितिगिच्छा वा समुप्पज्जिज्जा, भेयं वा लभेज्जा, उम्मायं वा पाउणिज्जा, दोहकलियं वा रोगायकं हवेज्जा, केवलिपन्नत्ताओ वा धम्माओ भंसेज्जा तम्हा खलु निग्गन्थे नो इत्थीणं इन्दियाइं मणोहराई, मणोरमाइं आलोएज्जा, निज्झाएज्जा।
