________________
( २.२.१५२ - १५६)
राजामच्चकथावण्णना
काजरो नाम एको रुक्खविसेसो, यो " पण्णकरुक्खो " तिपि वुच्चति । दिस्वा विय अनत्तमनोति सम्बन्धो । पुब्बे पितरा सद्धिं सत्थु सन्तिकं गन्त्वा देसनाय सुतपुब्बतं सन्धायाह “झाना... पे०... कामो 'ति । तिलक्खणन्भाहतन्ति तीहि लक्खणेहि अभिघटितं । दस्सनेनाति निदस्सनमत्तं । सो हि दिस्वा तेन सद्धिं अल्लापसल्लापं कत्वा, अकिरियवादं सुत्वा च अनत्तमनो अहोसि । गुणकथायाति अभूतगुणकथाय । तेनाह " सुठुतरं अनत्तमनो" ति । यदि अनत्तमनो, कस्मा तुम्ही अहोसीति चोदनं विसोधेति " अनत्तमनो समानोपी "तिआदिना ।
ततो
१५
१५२. गोसालायाति एवंनामके गामेति वृत्तं । वस्सानकाले गुन्नं पतिट्ठितसालायाति पन अत्थे तब्बसेन तस्स नामं सातिसयमुपपन्नं होति बहुलमनञ्ञसाधारणत्ता, तथापि सो पोराणेहि अननुस्सुतोति एकच्चवादो नाम कतो । " मा खलीति सामिको आहा ''ति इमिना तथावचनमुपादाय तस्स आख्यातपदेन समञ्ञति दस्सेति । सञ्ञाय हि वत्तुमिच्छाय आख्यातपदम्पि नामिकं भवति यथा "अञ्ञासिकोण्डञ्ञो” ति ( महाव० १७ ) । सेसन्ति " सो पण्णेन वा "तिआदिवचनं ।
१५३. दासादीसु सिरिवड्ढकादिनाममिव अजितोति तस्स नाममत्तं । केसेहि वायितो कम्बलो यस्सातिपि युज्जति । पटिकिट्टतरन्ति निहीनतरं । “यथाहा'ति आदिना अङ्गुत्तरागमे तिकनिपाते मक्खलिसुत्त (अ० नि० १.३.१३८) माहरि । तन्तावुतानीति तन्ते वीतानि । " सीते सीतो " ति आदिना छहाकारेहि तस्स पटिकिट्ठतरं दस्सेति ।
१५४. पकुज्झति सम्मादिट्ठिकेसु ब्यापज्जतीति पकुधो । वच्चं कत्वापीति एत्थ पि सद्देन भोजनं भुञ्जित्वापि केनचि असुचिना मक्खित्वापीति इममत्थं सम्पिण्डेति । वालिकाथूपं कत्वाति वतसमादानसीसेन वालिकासञ्चयं कत्वा, तथारूपे अनुपगमनीयट्ठाने पुन वतं समादाय गच्छतीति वुत्तं होति ।
Jain Education International
१५६. “गण्ठनकिलेसो " ति एतस्स "पलिबुन्धनकिलेसो ति अत्थवचनं, संसारे परिबुन्धनकिच्चो खेत्तवत्थुपुत्तदारादिविसयो रागादिकिलेसोति अत्थो । “ एवंवादिताया’'ति इमिना लद्धिवसेनस्स नामं, न पनत्थतोति दस्सेति । याव हि सो मग्गेन समुग्घाटितो, ताव अत्थियेव । अयं पन वचनत्थो - "नत्थि मय्हं गण्ठो "ति गण्हातीति निगण्ठोति । नाटस्साति एवंनामकस्स ।
15
For Private & Personal Use Only
www.jainelibrary.org
