________________
(२.१०.४७१-४८०-४७१-४८०)
समाधिक्खन्धवण्णना
लोकियाभिञायो इज्झमाना अट्ठसु समापत्तीसु चुद्दसविधेन चित्तपरिदमनेन विना न इज्झन्ति, तस्मा अभिञ्ञासु देसियमानासु अरूपज्झानानिपि देसितानेव होन्ति नानन्तरिकभावतो। तेनाह " आनेत्वा पन दीपेतब्बानी "ति, वुत्तनयेन देसितानेव कत्वा संवण्णकेहि पकासेतब्बानीति अत्थो । अट्ठकथायं पन " चतुत्थज्झानं उपसम्पज्ज विहरती 'ति इमिनाव अरूपज्झानम्पि सङ्गहितन्ति दस्सेतुं “चतुत्थज्झानेन ही "तिआदि वृत्तं । चतुत्थज्ज्ञानमेव हि रूपविरागभावनावसेन पवत्तं " अरूपज्झान "न्ति वुच्चति ।
Jain Education International
४७१-४८०. न चित्तेकग्गतामत्तकेनेवाति एत्थ हेट्ठा वुत्तनयानुसारेन ठानाठानपयुत्तस्स एवसद्दस्सानुरूपमत्थो वेदितब्बो । लोकियसमाधिक्खन्धस्स पन अधिप्पेतत्ता "न चित्तेकग्गता...पे०... अत्थी" ति वुत्तं । अरियो समाधिक्खन्धोति एत्थ हि अरियसद्दो सुद्धमत्तपरियायोव, न लोकुत्तरपरियायो । यथा चेत्थ, तथा अरियो सीलक्खन्धोति एत्थापि । इतोति पञ्ञाक्खन्धतो, सो च उक्कट्ठतो अरहत्तफलपरियापन्नो एवाति आह "अरहत्तपरियोसान "न्तिआदि । लोकियाभिञापटिसम्भिदाहि विनापि हि अरहत्ते अधिगते "नत्थेव उत्तरिकरणीय "न्ति सक्का वत्तुं यदत्थं भगवति ब्रह्मचरियं वुस्सति, तस्स सिद्धत्ता । इध पन लोकियाभिज्ञायोपि आगतायेव । सेसमेत्थ सुविज्ञेय्यं ।
इति सुमङ्गलविलासिनिया दीघनिकायट्ठकथाय परमसुखुमगम्भीरदुरनुबोधत्थपरिदीपनाय सुविमलविपुलपञ्ञवेय्यत्तियजननाय साधुविलासिनिया नाम सुभसुत्तवण्णनाय लीनत्थपकासना ।
३५९
सुभसुत्तवण्णना निट्ठिता ।
359
For Private & Personal Use Only
लीनत्थपकासनिया
www.jainelibrary.org
