Silakkhandhavagga Abhinava Tika Part 2

SR No.: 009986
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 456
Language: Sanskrit
Classification: Interfaith & Buddhism
File Size: 18 MB

Page 355

३३०
दीघनिकाये सीलक्खन्धवग्गअभिनवटीका-२
(२.९.४११-४११)
अपहरणं । आथब्बणं पयोजत्वाति आथब्बणवेदे आगतं अग्गिजुहनपुब्बकं मन्तपदं पयोजेत्वा सीसच्छिन्नतादिदस्सनेन सानिरोधमाह । तस्साति यस्स सीसच्छिन्नतादि दस्सितं, तस्स |
चतुत्थोति “सन्ति हि भो देवता महिद्धिका"तिआदिना वुत्तवादी । यक्खदासीनन्ति देवदासीनं, या “योगवतियो''तिपि वुच्चन्ति, योगिनियोतिपि पाकटा। मदनिहन्ति सुरामदनिमित्तकं सुपनं । देवतूपहारन्ति नच्चनगायनादिना देवतानं पूजं । सुरापातिन्ति पातिपुण्णं सुरं । दिवाति अतिदिवा, उस्सूरेति अत्थो। तन्ति तथा सुपित्वा वुट्ठहनं । सुत्तकाले देवतानं सापकडनवसेन निरोधं समापना, पबुद्धकाले सञ्जपकड्डनवसेन निरोधा वुट्ठिताति मञमानोति अधिप्पायो ।
एळमूगकथा वियाति इमेसं पण्डितमानीनं कथा अन्धबालकथासदिसी । चत्तारो निरोधेति अञमञविधुरे चत्तारोपि निरोधे । एकेन भवितब्बन्ति एकसभावेनेव भवितब्बं । न बहुनाति न च अञमञविरुद्धेन बहुविधेन नानासभावेन भवितब्बं । तेनापि एकेनाति एकसभावभूतेन तेनापि निरोधेन । अजेनेवाति तेहि वुत्ताकारतो अाकारेनेव भवितब्बं । सोति एकसभावभूतो निरोधो। अत्र सब्ब नाति सब्ब बुद्धं ठपेत्वा । इधाति कोतूहलसालायं । अयं निरोधो अयं निरोधोति द्विक्खत्तुं ब्यापनिच्छावचनं सत्था अत्तनो देसनाविलासेन अनेकाकारवोकारं निरोधं विभावेस्सतीति दस्सनत्थं कतं । अहो नूनाति एत्थ अहोति अच्छरिये निपातो, नूनाति अनुस्सरणे । तस्मा अहो नून भगवाति अनञसाधारणदेसनत्ता भगवा निरोधम्पि अहो अच्छरियं कत्वा आराधेय्य मोति अधिप्पायो । अहो नून सुगतोति एत्थापि एसेव नयो। अच्छरियविभावनतो एव चेत्थ द्विक्खत्तुं आमेडितवचनं । अच्छरियत्थोपि हेस अहोसद्दो अनुस्सरणमुखेनेव पोट्टपादेन गहितो। तस्मा वुत्तं "अनुस्सरणत्थे निपातद्वय"न्ति । तेनाति अनुस्सरणत्थमुखेन पवत्तनतो । "अहो...पे०... सुगतो''ति वचनेन एतदहोसीति योजना । “यंतंसद्दा निच्चसम्बन्धा"ति साधिप्पायं योजनं दस्सेतुं “यो एतेस"न्तिआदिमाह। कालदेसपुग्गलादिविभागेन बहुभेदत्ता इमेसं निरोधधम्मानन्ति बहुत्ते सामिवचनं, कुसलसद्दयोगे चेतं भुम्मत्थे दट्ठब्बं । कुसलो निपुणो छेकोति परियायवचनमेतं । अहो नून कथेय्याति अच्छरियं कत्वा कथेय्य मजे । सो सुगतोति सम्बन्धो । चिण्णवसितायाति निरोधसमापत्तियं चिण्णवसीभावत्ता। सभावं जानातीति निरोधसभावं याथावतो जानाति ।
330