Silakkhandhavagga Abhinava Tika Part 2

SR No.: 009986
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 456
Language: Sanskrit
Classification: Interfaith & Buddhism
File Size: 18 MB

Page 338

(२.८.३९५-३९६)
तपोपक्कमकथावण्णना
३१३
अनामठ्ठभिक्खं, समाभिसङ्घतताय वा उत्तमभिक्खं । अभुञ्जनवसेन एको अहो एतस्साति एकाहिको, आहारो, तं आहारं आहारेतीति अत्थो । सो पन अत्थतो एकदिवसलङ्घकोति वुत्तं "एकदिवसन्तरिक"न्ति । एस नयो "द्वाहिक"न्तिआदीसुपि। अपिच एकाहं अभुजित्वा एकाहं भुञ्जनं, एकाहवारो वा एकाहिकं। द्वीहं अभुजित्वा द्वीहं भुञ्जनं, द्वीहवारो वा द्वाहिकं। सेसद्वयेपि अयं नयो | उक्कट्ठो हि परियायभत्तभोजनिको द्वीहं अभुजित्वा एकाहमेव भुञ्जति । एवं सेसद्वयेपि । मज्झिमागमटीकायं पन “एकाहं अन्तरभूतं एतस्स अत्थीति एकाहिकं । सेसपदेसुपि एस नयो''ति वुत्तं । “थेरा भिक्खू भिक्खुनियो ओवदन्ति परियायेना"तिआदीसु विय वारत्थो परियाय सद्दो । एकाहवारेनाति एकाहिकवारेन । “एकाहिक''न्तिआदिना वुत्तविधिमेव पटिपाटिया पवत्तभावेन दस्सेतुं पाळियं “इति एवरूप"न्तिआदि वुत्तन्ति दट्ठब्बं ।
३९५. सामाको नाम गोधुमो। सयंजाता वीहिजातीति अरोपिमवीहिजाति । यदेव “वीही''ति वदन्ति । लिखित्वाति कसित्वा । सिलेसोपीति कणिकारादिरुक्खनिय्यासोपि । कुण्डकन्ति तनुतरं तण्डुलसकलं, तण्डुलखण्डकन्ति अत्थो । ओदनेन कतं कञ्जियं
ओदनकजियं। “वासितकेन पिञ्जाकेन नहायेय्या''तिआदीसु (पाचि० १२०३) विय पिज्ञाक सद्दो तिलपिठ्ठपरियायो। यथाह "पिञ्जाकं नाम तिलपिढें वुच्चती''ति । “तरुणकदलिक्खन्धमेव पिञ्जाकन्ति केचि, न गहेतब्बमेतं कत्थचिपि तथा अवचनतो ।
३९६. सणेहि सणवाकेहि निब्बत्तितानि साणानि, अ हि मिस्सकानि साणानि एव मसाणानि निरुत्तिनयेन, न छचीवरपरियापन्नानि भङ्गानि । केचि पन “मसाणानि नाम चोळविसेसानीति परिकप्पेत्वा मस्सकचोळानी"ति पठन्ति, तदयुत्तमेव पोराणेहि तथा अवुत्तत्ता। एरकतिणादीनीति एत्थ आदिसद्देन अक्कमकचिकदलिवाकादीनं सङ्गहो, एरकादीहि कतानि हि छवानि लामकानि दुस्सानीति वत्तब्बतं लभन्ति । छवसद्दो हेत्थ हीनवाचको, पुरिमविकप्पे पन मतसरीरवाचको। छड्डितनन्तकानीति छड्डितपिलोतिकानि । अजिनस्सेदन्ति अजिनं, पकतिअजिनमिगचम्म, तदेव मज्झे फालितकञ्चे, अजिनस्स खिपं फालितमुपवन्ति अजिनक्खिपं। “सखुरकन्तिपि वदन्ती''ति (म० नि० अठ्ठ० १.१५५) पपञ्चसूदनियं वुत्तं, द्विन्नं तिण्णं वा समुदितञ्चे, अजिनक्खिपन्ति तेसमधिप्पायो । विनयसंवण्णनासु पन “अजिनमेव अभेदतो अजिनक्खिप"न्ति वुत्तं । कन्दित्वाति उज्जवुज्जवेन कन्दित्वा । “गन्थेत्वा"तिपि पाठो, वठूत्वा बन्धित्वाति अत्थो । एवहि
313