Silakkhandhavagga Abhinava Tika Part 2

SR No.: 009986
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 456
Language: Sanskrit
Classification: Interfaith & Buddhism
File Size: 18 MB

Page 288

(२.५.३२८-३३६)
महाविजितराजयञ्ञकथावण्णना
मोरकपिञ्जरवट्टकतित्तिर लापादिपक्खीनञ्च । सङ्ख्यावसेन अनेकतं सत्तसतग्गहणेन परिच्छिन्दितुं “सत्तसत्तसतानी' 'ति वुत्तं, सत्तसतानि, सत्तसतानि चाति अत्थो । थूणन्ति यञ्ञोपकरणानं मिगपक्खीनं बन्धनत्थम्भं । यूपोतिपि तस्स नामं । तेनाह "यूपसङ्घात"न्ति ।
३२८. विधाति विप्पटिसारविनोदना । यो हि यज्ञसङ्घातस्स पुञ्ञस्स उपक्किलेसो, तस्स विधमनतो निवारणतो निरोधनतो विधा वुच्चन्ति विप्पटिसारविनोदना, ता एव पुञ्ञाभिसन्दं अविच्छिन्दित्वा ठपेन्तीति “ ठपना " ति च वृत्ता । अविप्पटिसारतो एव हि उपरूपरि पुञ्ञाभिसन्दप्पवत्तीति । ठपना चेता यञ्ञस्स आदिमज्झपरियोसानवसेन तीसु काले पवत्तिया तिप्पकाराति आह " तिट्ठपन "न्ति । परिक्खारसद्दो चेत्थ परिवारपरियायो “परिकरोन्ति यञ्ञ अभिसङ्घरोन्ती "ति कत्वा । तेनाह “सोळसपरिवार "न्ति ।
महाविजितराजयञ्ञकथावण्णना
३३६. पुब्बे भूतं भूतपुब्बं यथा “ दिट्ठपुब्ब "न्ति आह “ पुब्बचरित "न्ति, अत्तनो पुरिमजातिसम्भूतं बोधिसम्भारभूतं पुञ्ञचरियन्ति अत्थो । तथा हि तस्स अनुगामिनिधिस्स थावरनिधिना निदस्सनं उपपन्नं होति । सद्दविदू पन वदन्ति “भूतपुब्बन्ति इदं कालसत्तमिया नेपातिकपद "न्ति । अतीतकालेति हि तेसं मतेन अत्थो । अस्साति अनेन । महन्तं पथवीमण्डलं विजितन्ति सम्बन्धो । महन्तं वा विजितं पथवीमण्डलमस्स अत्थीति अत्थो । “अन्तोरट्ठेति यस्स विजिते विहरति, तस्स रट्ठे "तिआदीसु विय हि विजितसद्दो रज्जे पवत्तति, इमिना तस्स एकराजभावं दीपेति, न चक्कवत्तिराजभावं सत्तरतनसम्पन्नता अवचनतो । पाळियं न येन केनचि सन्तकमत्तेन अड्डताति दस्सेतुं “अड्डो "ति वत्वा “महद्धनो " ति वृत्तं । तेनाह “यो कोची "तिआदि । अड्डता हि नाम विभवसम्पन्नत्ता सा च तं तदुपादाय वुच्चति । तथा महद्धनतापीति तं थामप्पत्तं उक्कंसगतं दस्सेतुं “अपरिमाणसङ्घयेना "ति आह । भुञ्जितब्बट्ठेन विसेसतो कामा इध भोगा नामाति दस्सेति । " पञ्चकामगुणवसेना' 'ति इमिना । पिण्डपिण्डवसेनाति भाजनालङ्कारादिविभागं अहुत्वा केवलं खण्डखण्डवसेन ।
२६३
रूपं अप्पेत्वा, अनप्पेत्वा वा मासप्पमाणेन कतो मासको । आदिसद्देन थालकादीनि सङ्गहाति । अनेककोटिसङ्घयेनाति कहापणानं कोटिसतादिप्पमाणं सन्धाय वृत्तं ट्ठमन्तेन कोटिसतप्पमाणेनेव खत्तियमहासालभावप्पत्तितो ।
263