Silakkhandhavagga Abhinava Tika Part 2

SR No.: 009986
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 456
Language: Sanskrit
Classification: Interfaith & Buddhism
File Size: 18 MB

Page 262

(२.३.२८६-२८६)
पुब्बकइसिभावानुयोगवण्णना
२३७
दिब्बचक्खुपरिभण्डेन यथाकम्मूपगजाणेन सत्तानं कम्मस्सकतादीनि चेव दिब्बचक्खुसदिसेन पुब्बेनिवासानुस्सतित्राणेन अतीतकप्पे ब्राह्मणानं मन्तज्झेनविधिञ्च ओलोकेत्वाति अत्थो गहेतब्बो । रूपमेव हि पच्चुप्पन्नं दिब्बचक्खुस्स आरम्मणन्ति तमिध अट्ठानगतं होति । पावचनेन सह संसन्दित्वाति यं कस्सपसम्मासम्बुद्धेन वुत्तं वट्टसन्निस्सितं वचनं, तेन सह संसन्दित्वा अविरुद्धं कत्वा । न हि तेसं विवट्टसन्निस्सितो अत्थो पच्चक्खतो होति । गन्धिंसूति पज्जगज्जबन्धवसेन सक्कतभासाय बन्धिंसु | अपरा परेति अट्ठकादीहि अपरा अञपि परे पच्छिमा ओक्काकराजकालादीसु उप्पन्ना । पाणातिपातादीनि पक्खिपित्वाति अट्ठकादीहि गन्थितमन्तपदेस्वेव पाणातिपातादिकिलेससन्निस्सितपदानं तत्थ तत्थ पक्खिपनं कत्वा । विरुद्धे अकंसूति सुत्तनिपाते ब्राह्मणधम्मिकसुत्तादीसु (सु० नि० ब्राह्मणधम्मिकसुत्त) आगतनयेन संकिलेसिकत्थदीपनतो पच्चनीकभूते अकंसु । इसीति निदस्सनमत्तं । “इसि वा इसित्थाय पटिपन्नो वा''ति हि वत्तब्बं । कस्मा पनेत्थ पटिञागहणवसेन देसनासोतपतितं न करोतीति आह "इध भगवा"तिआदि। इधाति "त्याहं मन्ते अधीयामि, ‘साचरियको ति त्वं मञसी"ति वुत्तट्ठाने । पटिनं अग्गहेत्वाति यथा हेट्ठा पटिञा गहिता, तथा "तं किं मञ्जसि अम्बठ्ठ, तावता त्वं भविस्ससि इसि वा इसित्थाय वा पटिपन्नो साचरियकोति, नो हिदं भो गोतमा'"ति एवं इध पटिअं अग्गहेत्वा ।
२८६. निरामगन्धाति किलेसासुचिवसेन विस्सगन्धरहिता । अनिथिगन्धाति इत्थीनं गन्धमत्तस्सपि अविसहनेन इत्थिगन्धरहिता। रजोजल्लधराति पकतिरजसेदादिजल्लधरा । पाकारपुरिसगुत्तीति पाकारावरणं, पुरिसावरणञ्च । एत्थ पन “निरामगन्धा"ति एतेन तेसं दसन्नं ब्राह्मणानं विखम्भितकिलेसतं दस्सेति, "अनित्थिगन्धा, ब्रह्मचारिनो"ति च एतेन एकविहारितं, “रजोजल्लधरा"ति एतेन मण्डनविभूसनाभावं, “अरञायतने पब्बतपादेसु वसिंसू"ति एतेन मनुस्सूपचारं पहाय विवित्तवासं, "वनमूलफलाहारा वसिंसू"ति एतेन सालिमंसोदनादिपणीताहार पटिक्खे, “यदा"तिआदिना यानवाहनपटिक्खे, "सब्बदिसासू"तिआदिना रक्खावरणपटिक्खेपं । एवञ्च दस्सेन्तो मिच्छापटिपदापक्खिकं साचरियकस्स अम्बट्ठस्स वुत्तिं उपादाय सम्मापटिपदापक्खिकापि तेसं ब्राह्मणानं वुत्ति अरियविनये सम्मापटिपत्तिं उपादाय मिच्छापटिपदायेव । कथञ्हि नाम ते भविस्सति सल्लेखपटिपत्तियुत्तताति। “एवं सु ते''तिआदिना भगवा अम्बटुं सन्तज्जेन्तो निग्गण्हातीतिपि विभावेति । इदहि वक्खमानाय पाळिया पिण्डत्थदस्सनन्ति ।
दुस्सपट्टिका दुस्सपढें। दुस्सकलापो दुस्सवेणी। वेठकेहीति वेठकपट्टकेहि, दुस्सेहि
237