Silakkhandhavagga Abhinava Tika Part 2

SR No.: 009986
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 456
Language: Sanskrit
Classification: Interfaith & Buddhism
File Size: 18 MB

Page 182

( २.२.२५०-२५० )
सरणगमनकथावण्णना
समत्थनं । इदानि "न इतरेही "तिआदिना वुत्तमेव अत्थत्तयं यथाक्कमं वित्थारतो दस्सेतुं " तस्मा "तिआदि वृत्तं । “साकियो वा "ति पितुपक्खतो जातिकुलदस्सनं, "कोलियो वा "ति पन मातुपक्खतो । वन्दतीति पणिपातस्स उपलक्खणवचनं । राजपूजितोति राजूहि, राजूनं वा पूजितो यथा “गामपूजितो 'ति । पूजावचनपयोगे हि कत्तरि सामिवचनमिच्छन्ति सद्दविदू । भगवतोति बोधिसत्तभूतस्स, बुद्धभूतस्स वा भगवतो । उग्गहितन्ति सिक्खितसिप्पं ।
" चतुधा "तिआदि सिङ्गालोवादसुत्ते (दी० नि० ३.२६५) घरमावसन्ति घरे वसन्तो, कम्मप्पवचनीययोगतो चेत्थ भुम्मत्थे उपयोगवचनं । कम्मं पयोजयेति कसिवाणिज्जादिकम्मं पयोजेय्य । कुलानञ्हि न सब्बकालं एकसदिसं वत्तति, कदाचि राजादिवसेन आपदापि उप्पज्जति, तस्मा “आपदासु उप्पन्नासु भविस्सती 'ति एवं मनसि कत्वा निधापेय्याति आह “आपदासु भविस्सती 'ति । इमेसु पन चतूसु कोट्ठासेसु " एकेन भोगे भुञ्जेय्या "ति वुत्तकोट्ठासतोयेव गत्वा भिक्खूनम्पि कपणद्धिकादीनम्पि दातब्बं, दानं पेसकारन्हापितकादीनम्पि वेतनं दातब्बन्ति अयं भोगपरिग्गहणानुसासनी, एवरूपं अनुसासनिं उग्गहेत्वाति अत्थो । इदहि दिट्ठधम्मिकंयेव सन्धाय वदति, सम्परायिकं, पन निय्यानिकं वा अनुसासनिं पच्चासिसन्तोपि दक्खिणेय्यपणिपातमेव करोति नामाति दट्ठब्बं । “यो पना "तिआदि "सेट्ठवसेनेव... पे०... गण्हाती 'ति वुत्तस्सत्थस्स वित्थारवचनं ।
१५७
" एवं "न्तिआदि पन " सेट्ठवसेन च भिज्जती 'ति वुत्तस्स ब्यतिरेकदस्सनं । अत्थवसा लिङ्गविभत्तिविपरिणामोति कत्वा गहितसरणाय उपासिकाय वातिपि योजेतब्बं । एवमीदिसेसु । पब्बजितम्पीति पि- सद्दो सम्भावनत्थोति वुत्तं "पगेव अपब्बजित "न्ति । सरणगमनं न भिज्जति सेट्ठवसेन अवन्दितत्ता । तथाति अनुकड्ढनत्थे निपातो “सरणगमनं न भिज्जती 'ति । रपूजितत्ताति रट्ठे, रट्ठवासीनं वा पूजितत्ता । तयिदं भयवसेन वन्दितब्बभावस्सेव समत्थनं, न तु अभेदस्स कारणदस्सनं, तस्स पन कारणं सेट्ठवसेन अवन्दितत्ताति वेदितब्बं । वुत्तहि "सेट्ठवसेन च भिज्जती 'ति । सेट्ठवसेनाति लोके अग्गदक्खिणेय्यताय सेट्टभाववसेनाति अत्थो । तेनाह " अयं लोके अग्गदक्खिणेय्योति वन्दतीति । तित्थियम्पि वन्दतो न भिज्जति, पगेव इतरं । सरणगमनप्पभेदोति सरणगमनविभागो, तब्बिभागसम्बन्धतो चेत्थ सक्का अभेदोपि सुखेन दस्सेतुन्ति अभेददस्सनं कतं ।
157