Page Text
________________
दीघनिकाये सीलक्खन्धवग्गअभिनवटीका-२
(२.२.२१५-२१५)
चीवरनिद्देसेपि “पत्तचीवरादीनं अञ्जतर"न्ति वचनं यथारुतं गहितावसेसपच्चयसन्तोसस्स चीवरसन्तोसे समवरोधितादस्सनत्थं । “थेरको अयमायस्मा मल्लको''तिआदी थेरवोहारस्स पञत्तिमत्तेपि पवत्तितो दसवस्सतो पभुति चिरवस्सपब्बजितेस्वेव इध पवत्तिञापनत्थं “थेरानं चिरपब्बजितान"न्ति वुत्तं, थेरानन्ति वा सङ्घत्थेरं वदति । चिरपब्बजितानन्ति पन तदवसेसे वुड्डभिक्खू । सङ्कारकूटादितोति कचवररासिआदितो। अनन्तकानीति नन्तकानि पिलोतिकानि । “अ-कारो चेत्थ निपातमत्त"न्ति (वि० व० अट्ठ० ११६५) विमानट्ठकथायं वुत्तं । तथा चाहु “नन्तकं कप्पटो जिण्णवसनं तु पटच्चर"न्ति नत्थि दसासङ्खातो अन्तो कोटि येसन्ति हि नन्तकानि, न-सद्दस्स तु अनादेसे अनन्तकानीतिपि युज्जति । सङ्केतकोविदानं पन आचरियानं तथा अवुत्तत्ता वीमंसित्वा गहेतब्बं । “सनन्तकानी"तिपि पाठो, नन्तकेन सह संसिब्बितानि पंसुकूलानि चीवरानीति अत्थो । सङ्घाटिन्ति तिण्णं चीवरानं अञ्जतरं चीवरं । तीणिपि हि चीवरानि सङ्घटितत्ता “सङ्घाटी''ति वुच्चन्ति । महग्धं चीवरं, बहूनि वा चीवरानि लभित्वा तानि विस्सज्जेत्वा तदञस्स गहणम्पि महिच्छतादिनये अट्ठत्वा यथासारुप्पनये एव ठितत्ता न सन्तोसविरोधीति आह "तेसं...पे०... धारेन्तोपि सन्तुट्ठोव होती"ति । यथासारुप्पनयेन यथालद्धं विस्सज्जेत्वा तद गहणम्पि न ताव सन्तोसविरोधी, पगेव अनजगहणेन यथालद्धस्सेव यथासारुप्पं परिभोगेति सम्भावितस्स अत्थस्स दस्सनत्थव्हेत्थ अपि-सद्दग्गहणं, एवं सेसपच्चयेसुपि यथाबलयथासारुप्पनिद्देसेसु अपि-सद्दग्गहणे अधिप्पायो वेदितब्बो।
पकतिविरुद्धन्ति सभावेनेव असप्पायं । समणधम्मकरणसीसेन सप्पायपच्चयपरियेसनं, परिभुञ्जनञ्च विसेसतो युत्ततरन्ति अत्थन्तरं विज्ञापेतुं “यापेन्तोपी''ति अवत्वा "समणधम्मं करोन्तोपी"ति वुत्तं । मिस्सकाहारन्ति तण्डुलमुग्गादीहि नानाविधपुब्बण्णापरण्णेहि मिस्सेत्वा कतं आहारं । .
अझम्पि सेनासने यथासारुप्पसन्तोसं दस्सेन्तो आह “यो ही"तिआदि । पठमे हि नये यथालद्धस्स विस्सज्जनेन, दुतिये पन यथापत्तस्स असम्पटिच्छनेन यथासारुप्पसन्तोसो वुत्तोति अयमेतेसं विसेसो । हि-सद्दो चेत्थ पक्खन्तरजोतको । मज्झिमागमट्ठकथायं पन पि-सदो दिस्सति । "उत्तमसेनासनं नाम पमादट्ठान"न्ति वत्वा तब्भावमेव दस्सेतुं “तत्थ निसिनस्सा"तिआदि वुत्तं । निद्दाभिभूतस्साति थिनमिद्दोक्कमनेन चित्तचेतसिकगेलअभावतो भवङ्गसन्ततिसङ्खाताय निद्दाय अभिभूतस्स, निद्दायन्तस्साति अत्थो । पटिबुज्झतोति तथारूपेन
98
Jain Education International
For Private & Personal Use Only
www.jainelibrary.org
| SR No. | 009986 |
| Book Title | Silakkhandhavagga Abhinava Tika Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 456 |
| Language | Sanskrit |
| Classification | Interfaith & Buddhism |
| File Size | 18 MB |