Page Text
________________
दीघनिकाये सीलक्खन्धवग्गअभिनवटीका-२
(२.२.२१४-२१४)
पच्छागतो । एतन्ति परस्स जाननं । तत्थैवाति पतिट्ठितट्ठानेयेव । सोयेव नयोति " अयं भिक्खू'तिआदिका यो पतिट्ठाने वृत्तो, सो एव निसज्जायपि नयो । पच्छतो आगच्छन्तानं छिन्नभत्तभावभयेनापि योनिसोमनसिकारं परिब्रूहेतीति इदम्पि परस्स जाननेनेव सङ्गहितन्ति दट्ठब्बं । पुरिमपादेयेवाति पठमं कम्मट्ठानविप्पयुत्तचित्तेन उद्धरितपादवळञ्जेयेव । एतीति गच्छति । “आलिन्दकवासी महाफुस्सदेवत्थेरो विया" तिआदिना अट्ठानेयेवेतं कथितं । "क्वायं एवं पटिपन्नपुब्बो "ति आसङ्कं निवत्तेति ।
७६
मद्दत धकरणट्टाने सालिसीसादीनि मद्दन्ता । अस्साति थेरस्स, उभयापेक्खवचनमेतं । अस्स अरहत्तप्पत्तदिवसे चङ्कमनकोटियन्ति च । अधिगमपिच्छताय विक्खेपं कत्वा, निबन्धित्वा च पटिजानित्वायेव आरोचेसि ।
पठमं तावाति पदसोभनत्थं परियायवचनं । महापधानन्ति भगवतो दुक्करचरियं, अम्हाकं अत्थाय लोकनाथेन छब्बस्सानि कतं दुक्करचरियं “ एवाहं यथाबलं पूजेस्सामी 'ति अत्थो । पटिपत्तिपूजायेव हि पसत्थतरा सत्थुपूजा, न तथा आमिसपूजा । ठानचङ्कममेवाति अधिट्ठातब्बइरियापथवसेन वुत्तं, न भोजनकालादीसु अवस्सं कत्तब्बनिसज्जाय पटिक्खेपवसेन । एवसद्देन हि इतराय निसज्जाय, सयनस्स च निवत्तनं करोति । विप्पयुत्तेन उद्धटे पटिनिवत्तेन्तोति सम्पयुत्तेन उद्धरितपादेयेव पुन ठपनं सन्धायाह । " गामसमीपं गत्वा "ति वत्वा तदत्थं विवरति " गावी नू"तिआदिना । कच्छकन्तरतोति उपकच्छन्तरतो, उपकच्छे लग्गितकमण्डलुतोति वृत्तं होति । उदकगण्डूसन्ति उदकावगण्डकारकं । कतिनं तिथीनं पूरणी कतिमी, “पञ्चमी नु खो पक्खस्स, अट्ठमी "तिआदिना दिवसं वा पुच्छितोति अत्थो । अनारोचनस्स अकत्तब्बत्ता आरोचेति । तथा हि वृत्तं " अनुजानामि भिक्खवे सब्बेहेव पक्खगणनं उग्गहेतु "न्तिआदि (महाव० १५६) ।
“उदकं गिलित्वा आरोचेती 'ति वृत्तनयेन । तत्थाति गामद्वारे । निदुभनन्ति उदकनिट्टुभनट्ठानं । सूत मनुस्सेसु । ञाणचक्खुसम्पन्नत्ता चक्खुमा । ईदिसोति सुसम्मट्ठचेतियङ्गणादिको । विसुद्धिपवारणन्ति खीणासवभावेन पवारणं ।
आह
वीथि ओतरित्वा इतो चितो च अनोलोकेत्वा पठममेव वीथियो सल्लक्खेतब्बाति " वीथियो सल्लक्खेत्वा" ति । यं सन्धाय वुत्तं "पासादिकेन अभिक्कन्तेन
Jain Education International
For Private & Personal Use Only
www.jainelibrary.org
| SR No. | 009986 |
| Book Title | Silakkhandhavagga Abhinava Tika Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 456 |
| Language | Sanskrit |
| Classification | Interfaith & Buddhism |
| File Size | 18 MB |