Silakkhandhavagga Abhinava Tika Part 2

SR No.: 009986
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 456
Language: Sanskrit
Classification: Interfaith & Buddhism
File Size: 18 MB

Page 102

( २.२.२१४ - २१४)
पटिक्कन्तेना''तिआदि (पारा० ४३२) । तं गमनं दस्सेतुं " तत्थ चा "तिआदिमाह । “न हि जवेन पिण्डपातियधुतङ्गं नाम किञ्चि अत्थी " ति इमिना जवेन गमने लोलुप्पचारिता विय असारुप्पतं दस्सेति । उदकसकटन्ति उदकसारसकटं । तहि विसमभूमिभागप्पत्तं निच्चलमेव कातुं वट्टति । तदनुरूपन्ति भिक्खादानानुरूपं । “आहारे पटिकूलस उपट्ठपेत्वा"तिआदीसु यं वत्तब्बं, तं परतो आगमिस्सति । रथस्स अक्खानं तेलेन अब्भञ्जनं, वणस्स लेपनं, पुत्तमंसस्स खादनञ्च तिधा उपमा यस्स आहरणस्साति तथा । अट्ठङ्गसमन्नागतन्ति " यावदेव इमस्स कायस्स ठितिया, यापनाया 'तिआदिना (म० नि० १.२३; २.२४, ३८७; सं० नि० २.४.१२०; अ० नि० २.६.५८ ३.५.९; विभं० ५१८; महानि० २०६) वुत्तेहि अट्ठहि अङ्गेहि समन्नागतं कत्वा । “नेव दवाया "तिआदि पन पटिक्खेपमत्तदस्सनं । भत्तकिलमथन्ति भत्तवसेन उप्पन्नकिलमथं । पुरेभत्तादि दिवावसेन वुत्तं । पुरिमयामादि रत्तिवसेन ।
सतिसम्पञ्जञ्ञकथावण्णना
गतपच्चागतेसु कम्मट्ठानस्स हरणं वत्तन्ति अत्थं दस्सेन्तो “हरणपच्चाहरणसङ्घातन्ति आह । “यदि उपनिस्सयसम्पन्नो होती "ति इदं "देवपुत्तो हुत्वा' 'तिआदीसुपि सब्बत्थ सम्बज्झितब्बं । तत्थ पच्चेकबोधिया उपनिस्सयसम्पदा कप्पानं द्वे असङ्ख्येय्यानि, सतसहस्सञ्च तज्जा पुञ्ञञाणसम्भारसम्भरणं, सावकबोधिया अग्गसावकानं एकमसङ्ख्येय्यं, कप्पसतसहस्सञ्च, महासावकानं (थेरगा० अट्ठ० २. वङ्गीसत्थेरगाथावण्णना वित्थारो ) कप्पसतसहस्समेव, इतरेसं पन अतीतासु जातीसु विवट्टुपनिस्सयवसेन कालनियममन्तरेन निब्बत्तितं निब्बेधभागियकुसलं । "सेय्यथापी 'तिआदिना तस्मिं तस्मिं ठानन्तरे एतदग्गट्ठपितानं थेरानं सक्खिदस्सनं । तत्थ थेरो बाहियो दारुचीरियोति बाहियविसये सञ्जातसंवडता बाहियो, दारुचीरपरिहरणतो दारुचीरियोति च समञ्ञितो थेरो । सो हायस्मा -
" तस्मा तिह ते बाहिय एवं सिक्खितब्बं 'दिट्ठे दिट्ठमत्तं भविस्सति, सुते, मुते, विञ्ञाते विञ्ञातमत्तं भविस्सती 'ति, एवहि ते बाहिय सिक्खितब्बं । यतो खो ते बाहिय दिट्ठे दिट्ठमत्तं भविस्सति, सुते, मुते, विञ्ञाते विञ्ञतमत्तं भविस्सति, ततो त्वं बाहिय न तेन । यतो त्वं बाहिय न तेन, ततो बाहिय न तत्थ । यतो त्वं बाहिय न तत्थ, ततो त्वं बाहिय नेविध न हुरं न उभयमन्तरेन, एसेवन्तो दुक्खस्सा 'ति” (उदा० १० ) ।
७७
77