________________
गन्थारम्भकथावण्णना
मारसेनमथना, तेसं । "मारमारसेनमथनान"न्ति हि वत्तब्बेपि एकदेससरूपेकसेसवसेन एवं वुत्तं । मारसद्दसन्निधानेन वा सेनासदेन मारसेना गहेतब्बा, गाथाबन्धवसेन चेत्थ रस्सो । "मारसेनमद्दनान"न्तिपि कत्थचि पाठो, सो अयुत्तोव अरियाजातिकत्ता इमिस्सा गाथाय । ननु च अरियसावकानं मग्गाधिगमसमये भगवतो विय तदन्तरायकरणत्थं देवपुत्तमारो वा मारसेना वा न अपसादेति, अथ कस्मा एवं वुत्तन्ति ? अपसादेतब्बभावकारणस्स विमथितत्ता । तेसहि अपसादेतब्बताय कारणे संकिलेसे विमथिते तेपि विमथिता नाम होन्तीति। अथ वा खन्धाभिसङ्घारमारानं विय देवपुत्तमारस्सापि गुणमारणे सहायभावूपगमनतो किलेसबलकायो इध “मारसेना"ति वुच्चति यथाह भगवा -
“कामा ते पठमा सेना, दुतिया अरति वुच्चति । ततिया खुप्पिपासा ते, चतुत्थी तण्हा पवुच्चति ।।
पञ्चमं थिनमिद्धं ते, छट्ठा भीरू पवुच्चति । सत्तमी विचिकिच्छा ते, मक्खो थम्भो ते अट्ठमो ।।
लाभो सिलोको सक्कारो,
मिच्छालद्धो च यो यसो । यो चत्तानं समुक्कंसे,
परे च अवजानति ।।
एसा नमुचि ते सेना, कण्हस्साभिप्पहारिनी ।
न नं असूरो जिनाति, जेत्वा च लभते सुख"न्ति ।। (सु० नि० ४३८; __महा० नि० २८; चूळ० नि० ४७)।।
सा च तेहि अरियसावकेहि दियड्डसहस्सभेदा, अनन्तभेदा वा किलेसवाहिनी सतिधम्मविचयवीरियसमथादिगुणपहरणीहि ओधिसो मथिता, विद्धंसिता, विहता च, तस्मा "मारसेनमथना''ति वुच्चन्ति। विलोथनञ्चेत्थ विद्धंसनं, विहननं वा । अपिच खन्धाभिसङ्घारमच्चुदेवपुत्तमारानं तेसं सहायभावूपगमनताय सेनासङ्घातस्स किलेसमारस्स च मथनतो “मारसेनमथना''तिपि अत्थो गहेतब्बो । एवञ्च सति पञ्चमारनिम्मथनभावेन अत्थो परिपुण्णो होति । अरियसावकापि हि समुदयप्पहानपरिञावसेन खन्धमारं,
19
Jain Education International
For Private & Personal Use Only
www.jainelibrary.org
