________________
गन्थारम्भकथावण्णना
११
कामञ्चेत्थ सत्तसङ्घारभाजनवसेन तिविधो लोको, गरुभावस्स पन अधिप्पेतत्ता गरुकरणसमत्थस्सेव युज्जनतो सत्तलोकवसेन अत्थो गहेतब्बो । सो हि लोकीयन्ति एत्थ पुञापुञानि, तब्बिपाको चाति लोको, दस्सनत्थे च लोकसद्दमिच्छन्ति सद्दविदू | अमरग्गहणेन चेत्थ उपपत्तिदेवा अधिप्पेता। अपरो नयो- समूहत्थो एत्थ लोकसद्दो समुदायवसेन लोकीयति पापीयतीति कत्वा । सह नरेहीति सनरा, तेयेव अमराति सनरामरा, तेसं लोको तथा, पुरिमनयेनेव योजेतब्बं । अमरसद्देन चेत्थ उपपत्तिदेवा विय विसुद्धिदेवापि सङ्गय्हन्ति । तेपि हि परमत्थतो मरणाभावतो अमरा। इमस्मिं पन
अत्थविकप्पे नरामरानमेव गहणं उक्कट्ठनिद्देसवसेन यथा “सत्था देवमनुस्सान''न्ति (दी० नि० १.१५७, २५५)। तथा हि सब्बानत्थपरिहानपुब्बङ्गमाय निरवसेसहितसुखविधानतप्पराय निरतिसयाय पयोगसम्पत्तिया, सदेवमनुस्साय पजाय अच्चन्तमुपकारिताय अपरिमितनिरुपमप्पभावगुणसमङ्गिताय च सब्बसत्तुत्तमो भगवा अपरिमाणास लोकधातस अपरिमाणानं सत्तानं उत्तममनसाधारणं गारवद्वानन्ति । कामञ्च इत्थीनम्पि तथाउपकारत्ता भगवा गरुयेव, पधानभूतं पन लोकं दस्सेतुं पुरिसलिङ्गेन वुत्तन्ति दट्ठब्बं । नेरुत्तिका पन अविसेसनिच्छितट्ठाने तथा निद्दिट्टमिच्छन्ति यथा “नरा नागा च गन्धब्बा, अभिवादेत्वान पक्कमुन्ति (अप० १.१.४८) । तथा चाहु
"नपुंसकेन लिङ्गेन, सद्दोदाहु पुमेन वा। निद्दिस्सतीति आतब्बमविसेसविनिच्छिते''ति ।।
वन्देति एत्थ पन -
वत्तमानाय पञ्चम्यं, सत्तम्यञ्च विभत्तियं । एतेसु तीसु ठानेसु, वन्देसद्दो पवत्तति ।।
इध पन वत्तमानायं अासमसम्भवतो। तत्थ च उत्तमपुरिसवसेनत्थो गहेतब्बो “अहं वन्दामी''ति । नमनथुतियत्थेसु च वन्दसद्दमिच्छन्ति आचरिया, तेन च सुगतपदं, नाथपदं वा अज्झाहरित्वा योजेतब्बं । सोभनं गतं गमनं एतस्साति सुगतो। गमनञ्चेत्थ कायगमनं, जाणगमनञ्च, कायगमनम्पि विनेय्यजनोपसङ्कमनं, पकतिगमनञ्चाति दुबिधं । भगवतो हि विनेय्यजनोपसङ्कमनं एकन्तेन तेसं हितसुखनिप्फादनतो सोभनं, तथा लक्खणानुब्यञ्जनपटिमण्डितरूपकायताय दुतविलम्बितखलितानुकड्डननिप्पीळनुक्कुटिक
Jain Education International
For Private & Personal Use Only
www.jainelibrary.org
