________________
(१.८-८)
बोधिपरिच्छेदवण्णना
"न सम्मा देवो वस्सती"ति सोपतो वुत्तमत्थं विवरन्तो “कदाची"तिआदिमाह । तत्थ कदाचि वस्सतीति कदाचि अवस्सनकाले वस्सति । कदाचि न वस्सतीति कदाचि वस्सितब्बकाले न वस्सति । कत्थचि वस्सति, कत्थचि न वस्सतीति पदेसमाह । "वस्सन्तोपी"तिआदि “कदाचि वस्सति, कदाचि न वस्सती''ति पदद्वयस्सेव अत्थविवरणं । विगतगन्धवण्णरसादीति आदि-सद्देन निरोजतं सङ्गण्हाति। एकस्मिं पदेसेति भत्तपचनभाजनस्स एकपस्से । उत्तण्डुलन्ति पाकतो उक्कन्ततण्डुलं । तीहाकारेहीति सब्बसो अपरिणतं, एकदेसेन परिणतं, दुपरिणतञ्चाति एवं तीहाकारेहि। पच्चति पक्कासयं उपगच्छति । अप्पायुकाति एत्थ “दुब्बण्णा चा"तिपि वत्तब्बं । एवं उतुभोजनवसेन आयु हायति हेतुम्हि अपरिक्खीणेपि पच्चयस्स परिदुब्बलत्ता।
__“यदा पना"तिआदि सुक्कपक्खस्स अत्थो वुत्तविपरियायेन वेदितब्बो ।
वड्डित्वा वड्डित्वा परिहीनन्ति वेदितब्बं । कस्मा ? न हि एकस्मिं अन्तरकप्पे अनेके बुद्धा उप्पज्जन्ति, एको एव पन उप्पज्जतीति । इदानि तमत्थं वित्थारतो दस्सेतुं "कथ"न्तिआदि वुत्तं । चत्तारि ठत्वाति अच्चन्तसंयोगे उपयोगवचनं । यंयंआयुपरिमाणेसूति यत्तकयत्तकपरमायुप्पमाणेसु । तेसम्पीति बुद्धानं । तं तदेव आयुपरिमाणं होति, तत्थ कारणं हेट्ठा वुत्तमेव ।
जातिपरिच्छेदादिवण्णना निट्ठिता
बोधिपरिच्छेदवण्णना ८. मूलेति मूलावयवस्स समीपे । तं पन तस्सा हेट्ठापदेसो होतीति आह "पाटलिरुक्खस्स हेटा'ति । तंदिवसन्ति अत्तना जातदिवसे, तंदिवसन्ति वा तं भगवतो अभिसम्बोधिदिवसे । सो किर बोधिरुक्खो सालकल्याणी विय पथविया अब्भन्तरे एव पुरेतरं वड्डेन्तो अभिसम्बोधिदिवसे पथविं उब्भिज्जित्वा उद्वितो रतनसतं उच्चो, तावदेव च वित्थतो हुत्वा नभं पूरेन्तो अट्ठासि । अयम्पि किरेतस्स रुक्खभावेन विय अजेहि वेमत्तता। घनसंहतनाळवण्टताय कणिकबद्धेहि विय पुप्फेहि। एकसञ्छन्नाति पुप्फानं
Jain Education International
For Private & Personal Use Only
www.jainelibrary.org
