________________
दीघनिकाये महावग्गटीका
(१.९-१०)
निरन्तरताय एकज्झं सञ्छन्ना, तत्थ तत्थ निबद्ध...पे०... समुज्जलन्ति तहं तह
ओलम्बितकुसुमदामेहि चेव तहं तहं खित्तमालापिण्डीहि च इतो. चितो विप्पकिण्णविविधवण्टमुत्तपुप्फेहि च सम्मदेव उज्जलं । अचमनं सिरीसम्पत्तानीति अञमञस्स सिरिया सोभाय सम्पन्नानि । बुद्धगुणविभवसिरिन्ति सम्मासम्बुद्धेहि अभिगन्तब्बगुणविभूतिसोभं | पटिविज्झमानोति अधिगच्छन्तो।
सेतम्बरुक्खोति सेतवण्णफलो अम्बरुक्खो। तदेवाति पाटलिया वुत्तप्पमाणमेव । एकतोति एकपस्से । सुरसानीति सुमधुररसानि ।
एकोव पल्लङ्कोति एकोव पल्लङ्कप्पदेसो। सो सो रुक्खो "बोधी"ति बुच्चति बुज्झन्ति एत्थाति कत्वा ।
सावकयुगपरिच्छेदवण्णना
९. सावकपरिच्छेदेति सावकयुगपरिच्छेदे | "खण्डतिस्स''न्ति द्वेपि एकज्झं गहेत्वा एकत्तवसेन वुत्तन्ति आह “खण्डो च तिस्सो चा"ति, बुद्धानं सहोदरो, वेमातिकोपि वा जेट्ठभाता न होतीति “एकपितिको कनिट्ठभाता"ति वुत्तं । अवसेसेहि पुत्तेहि । “पञापारमिया मत्थकं पत्तो"ति वत्वा तस्स मत्थकप्पत्तं गुणविसेसं दस्सेतुं “सिखिना भगवता"तिआदि वुत्तं ।
उत्तरोति उत्तमो। पुन उत्तरोति थेरं नामेन वदति । पारन्ति परकोटिमत्थकं । पञ्जाविसयेति पञ्चाधिकारे | पवत्तिहानवसेन हि पवत्तिं वदति ।
सावकसन्निपातपरिच्छेदवण्णना १०. उपोसथन्ति आणापातिमोक्खं । दुतियततियेसूति दुतिये, ततिये च सावकसन्निपाते । एसेव नयोति चतुरङ्गिकतं अतिदिसति । अभिनीहारतो पट्ठाय वत्थु कथेत्वा पब्बज्जा दीपेतब्बा, सा पन यस्मा मनोरथपूरणियं अङ्गुत्तरट्ठकथायं (अ० नि० अट्ठ० १.१.२११) वित्थारतो आगता, तस्मा तत्थ वुत्तनयेनेव वेदितब्बाति ।
10
Jain Education International
For Private & Personal Use Only
www.jainelibrary.org
