________________
(१.५-७-५-७)
जातिपरिच्छेदादिवण्णना
एवं पन गव्हमानं तन्निमित्तकं फलं तदानुभावेन सिद्धं विय वोहरीयति तब्भावे भावतो । तेनाह "तेसं निमित्तानं आनुभावेना"तिआदि । तथा चाह भगवा “सो तेन लक्खणेन समन्नागतो...पे०... राजा समानो किं लभति, बुद्धो समानो किं लभती"ति (दी० नि० ३.२०२, २०४) च एवमादि । इममत्थन्ति पञ्च बुद्धा इमस्मिं कप्पे उप्पज्जिस्सन्तीति इममत्थं याथावतो जानिंसु ।
जातिपरिच्छेदादिवण्णना ५-७. कप्पपरिच्छेदवसेनाति “इतो सो एकनवुते कप्पे''तिआदिना यत्थ यत्थ कप्पे ते ते बुद्धा उप्पन्ना, तस्स तस्स कप्पस्स परिच्छिन्दनवसेन परिजाननवसेन । “इदं तन्ति हि नियमेत्वा परिच्छिज्ज जाननं परिच्छिन्दनं परिच्छेदो। परित्तन्ति इत्तरं । लहुकन्ति सल्लहुकं, आयुनो अधिप्पेतत्ता रस्सन्ति वुत्तं होति । तेनाह "उभयमेतं अप्पकस्सेव वेवचन"न्ति ।
___ "अप्पं वा भिय्यो"ति अविसेसजोतनं “वीसं वा तिंसं वा''तिआदिना अनियमितवसेनेव यथालाभतो ववत्थपेत्वा अयञ्च नयो अपचुरोति दस्सेन्तो "एवं दीघायुको पन अतिदुल्लभो "ति आह । इदं तं विसेसववत्थापनं पुग्गलेसु पक्खिपित्वा दस्सेन्तो "तत्थ विसाखा"तिआदिमाह ।
यदि एवं कस्मा अम्हाकं भगवा तत्तकम्पि कालं न जीवि, ननु महाबोधिसत्ता चरिमभवे अतिवियउळारतमेन पुञाभिसङ्घारेन पटिसन्धिं गण्हन्तीति ? सच्चमेतन्ति । तत्थ कारणं दस्सेतुं "विपस्सीआदयो पना"तिआदि वुत्तं । तत्थ अभिजातिया मेत्ताठानताय अभिसङ्खारविज्ञाणस्स मेत्तापुब्बभागता। तदनुगुणन्हि तेसं विसेसतो पटिसन्धिविज्ञाणं । तस्स विसेसतो बहुलं खेमवितक्कूपनिस्सयताय सोमनस्ससहगतता, अनञसाधारणपरोपदेसरहितञाणविसेसूपनिस्सयताय आणसम्पयुत्तता, असारिकता च वेदितब्बा, असङ्ख्येय्यं आयु आधारविसेसतो, निस्सयविसेसतो, पटिपक्खदूरीभावतो, पवत्तिआकारविसेसतो च अपरिमेय्यानुभावताय कारणस्स । तत्थ चिरतरं कालं सन्तानस्स पारमितापरिभावितता आधारविसेसता। अलोभज्झासयादिआसयसम्पदा निस्सयविसेसता। लाभमच्छरियादिपापधम्मविक्खम्भनं पटिपक्खदूरीभावो। सब्बसत्तानं सकलवट्टदुक्खनिस्सरणत्थाय आयूहना पवत्तिआकारविसेसो वेदितब्बो ।
Jain Education International
For Private & Personal Use Only
www.jainelibrary.org
