Page Text
________________
(९.३७३-३७३)
उद्देसवारकथावण्णना
२५९
कुरुरटुं किर तदा तंनिवासिसत्तानं योनिसोमनसिकारवन्ततादिना येभुय्येन सुप्पटिपन्नताय, पुब्बे च कतपुञताबलेन तदा उतुआदिसम्पत्तियुत्तमेव अहोसि । तेन वुत्तं "उतुपच्चयादिसम्पन्नत्ता"ति । आदि-सद्देन भोजनादिसम्पत्तिं सङ्गण्हाति । केचि पन “पुब्बे पवत्तकुरुवत्तधम्मानुट्ठानवासनाय उत्तरकुरु विय येभुय्येन उतुआदिसम्पन्नमेव होन्तं भगवतो काले सातिसयं उतुसप्पायादियुत्तं तं रटुं अहोसी''ति वदन्ति । चित्तसरीरकल्लतायाति चित्तस्स, सरीरस्स च अरोगताय । अनुग्गहितपञ्जाबलाति लद्रूपकाराणानुभावा, अनु अनु वा आचिण्णपञातेजा। एकवीसतिया ठानेसूति कायानुपस्सनावसेन चुद्दससु ठानेसु, वेदनानुपस्सनावसेन एकस्मिं ठाने, तथा चित्तानुपस्सनावसेन, धम्मानुपस्सनावसेन पञ्चसु ठानेसूति एवं एकवीसतिया ठानेसु । कम्मट्ठानं अरहत्ते पक्खिपित्वाति चतुसच्चकम्मट्ठानं यथा अरहत्तं पापेति, एवंदेसनावसेन अरहत्ते पक्खिपित्वा । सुवण्णचकोटकसुवण्णमञ्जूसासु पक्खित्तानि सुमनचम्पकादिनानापुप्फानि, मणिमुत्तादिसत्तरतनानि च यथा भाजनसम्पत्तिया सविसेसं सोभन्ति, किच्चकरानि च होन्ति मनुञभावतो, एवं सीलदस्सनादिसम्पत्तिया भाजनविसेसभूताय कुरुरवासिपरिसाय देसिता भगवतो अयं देसना भिय्योसो मत्ताय सोभति, किच्चकारी च होतीति इममत्थं दस्सेति “यथा हि पुरिसो"तिआदिना । एत्थाति कुरुरटे ।
पकतियाति सरसतोपि, इमिस्सा सतिपट्टानसुत्तदेसनाय पुब्बेपीति अधिप्पायो । अनुयुत्ता विहरन्ति सत्थु देसनानुसारतो भावनानुयोगं ।
विस्सट्टअत्तभावेनाति अनिच्चादिवसेन किस्मिञ्चि योनिसोमनसिकारे चित्तं अनियोजत्वा रूपादिआरम्मणे अभिरतिवसेन विस्सट्ठचित्तेन भवितुं न वट्टति, पमादविहारं पहाय अप्पमत्तेन भवितब्बन्ति अधिप्पायो ।
एकायनोति एत्थ अयन-सद्दो मग्गपरियायो। न केवलं अयनमेव, अथ खो अञपि बहू मग्गपरियायाति पदुद्धारं करोन्तो “मग्गस्स ही''ति आदिं वत्वा यदि मग्गपरियायो अयन-सद्दो, कस्मा पुन “मग्गो''ति वुत्तन्ति चोदनं सन्धायाह "तस्मा"तिआदि । तत्थ एकमग्गोति एको एव मग्गो। न हि निब्बानगामिमग्गो अझो अत्थीति । ननु सतिपट्टानं इध मग्गोति अधिप्पेतं, तदने च बहू मग्गधम्मा अत्थीति ? सच्चं अत्थि, ते पन सतिपट्टानग्गहणेनेव गहिता तदविनाभावतो। तथा हि जाणवीरियादयो निद्देसे गहिता, उद्देसे पन सतिया एव गहणं वेनेय्यज्झासयवसेनाति दट्ठब्बं । “न द्विधापथभूतो"ति
259
Jain Education International
For Private & Personal Use Only
www.jainelibrary.org
| SR No. | 009983 |
| Book Title | Mahavagga Tika |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 410 |
| Language | Prakrit, Sanskrit |
| Classification | Interfaith & Buddhism |
| File Size | 15 MB |