Page Text
________________
(३.१६५ - १६५)
वेळुवगामवस्सूपगमनवण्णना
अहमेवाति अवधारणं भिक्खुसङ्घपरिहरणस्स अञ्ञसाधारणिच्छादस्सनत्थं, अवधारणेन पन विना “अहं भिक्खुसङ्घ "न्तिआदि भिक्खुसङ्घपरिहरणे अहंकारममंकाराभावदस्सनन्ति दट्ठब्बं । उद्दिसितब्बट्ठेनाति "सत्था "ति उद्दिसितब्बट्टेन । मा वा अहेसुं भिक्खूति अधिप्पायो । " मा वा अहोसी "ति वा पाठो । एवं न होतीति “अहं भिक्खुस परिहरिस्सामी ''तिआदि आकारेन चित्तप्पवत्ति न होति । " पच्छिमवय अनुप्पत्तभावदीपनत्थं वुत्तन्ति इमिना वयो विय बुद्धकिच्चम्पि परियोसितकम्मन्ति दीपेति । सकटस्स बाहप्पदेसे दळहीभावाय वेठदानं बाहबन्धो । चक्कनेमिसन्धीनं दळहीभावाय वेठदानं चक्कबन्धो ।
Jain Education International
तमत्थन्ति वेठमिस्सकेन मञेति वुत्तमत्थं । रूपादयो एव धम्मा सविग्गहो विय उपट्ठानतो रूपनिमित्तादयो, तेसं रूपनिमित्तादीनं । लोकियानं वेदनानन्ति यासं निरोधनेन फलसमापत्ति समापज्जितब्बा, तासं निरोधा फासु होति, तथा बाळ्हवेदनाभितुन्नसरीरस्सापि । तदत्थायाति फलसमापत्तिविहारत्थाय । द्वीहि भागेहि आपो गतो एत्थाति दीपो, ओघेन परिगतो हुत्वा अनज्झोत्थटो भूमिभागो, इध पन चतूहि पि ओघेहि, संसारमहोघेनेव वा अनज्झोत्थटो अत्ता " दीपो 'ति अधिप्पेतो । तेनाह " महासमुद्दगता 'तिआदि । अत्तस्सरणाति अत्तप्पटिसरणा । अत्तगतिका वाति अत्तपरायणाव । मा अञ्ञगतिकाति अञ्यं किञ्चि गतिं पटिसरणं परायणं मा चिन्तयित्थ । कस्मा अत्ता नामेत्थ परमत्थतो धम्मो अब्भन्तरट्ठेन, सो एवं सम्पादितो तुम्हाकं दीपं ताणं गति परायणन्ति। तेन वुत्तं " धम्मदीपा "तिआदि । तथा चाह " अत्ता हि अत्तनो नाथो, को हि नाथो परो सिया "ति (ध० प० १६०, ३८०) उपदेसमत्तमेव हि परस्मिं पटिबद्धं, अञ्ञा सब्बा सम्पत्ति पुरिसस्स अत्ताधीना एव । तेनाह भगवा “तुम्हेहि किच्चं आतप्पं, अक्खातारो तथागता "ति (ध० प० २७६ ) । तमग्गेति तमयोगस्स अग्गे तस्स अतिक्कन्ताभावतो । तेनेवाह “ इमे अग्गतमा "तिआदि । ममाति मम सासने । सब्बेपि ते चतुसतिपट्ठानगोचरा वाति चतुब्बिधं सतिपट्ठानं भावेत्वा ब्रूहेत्वा तदेव गोचरं अत्तनो पवत्तिट्ठानं कत्वा ठिता एव भिक्खू अग्गे भविस्सन्ति ।
दुतियभाणवारवण्णना निट्ठिता ।
१३१
131
For Private & Personal Use Only
www.jainelibrary.org
| SR No. | 009983 |
| Book Title | Mahavagga Tika |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 410 |
| Language | Prakrit, Sanskrit |
| Classification | Interfaith & Buddhism |
| File Size | 15 MB |