________________
८६
दीघनिकाये सीलक्खन्धवग्गटीका
चागाधिट्ठानसमुदागमेन सब्बकिलेसोपक्किलेसपरिच्चागो, ततो हि चागाधिट्ठानं परिपुण्णं । उपसमाधिट्ठानसमुदागमेन परमूपसमसम्पत्ति, ततो हि उपसमाधिट्ठानं परिपुण्णं । पञ्ञाधिट्ठानसमुदागमेन अनावरणञाणपटिलाभो, ततो हि पञ्ञाधिट्ठानं परिपुण्णन्ति, तं असिद्धं अभिसम्बोधियापि परमत्थभावतो ।
ततिये ठाने धम्मचक्कप्पवत्तने (सं० नि०३.५.१०८१; महाव० १३; पटि० म० २.३० ) चतुरधिट्ठानं परिपुण्णन्ति अञ्ञे । तत्थ हि सच्चाधिट्ठानसमुदागतस्स द्वादसहि आकारे ह अरियसच्चदेसनाय सच्चाधिट्ठानं परिपुण्णं चागाधिट्ठानसमुदागतस्स सद्धम्ममहायागकरणेन चागाधिट्ठानं परिपुण्णं । उपसमाधिट्ठानसमुदागतस्स सयं उपसन्तस्स उपसमनेन उपसमाधिट्ठानं परिपुण्णं पञ्ञाधिट्ठानसमुदागतस्स विनेय्यानं आसयादिपरिजाननेन पञ्ञाधिट्ठानं परिपुण्णन्ति, तदपि असिद्धं अपरियोसितत्ता बुद्धकिच्चस्स ।
परेसं
(१.७–७)
चतुत्थे ठाने परिनिब्बाने चतुरधिट्ठानपरिपुण्णन्ति अपरे । तत्र हि परिनिब्बुतत्ता परमत्थसच्चसम्पत्तिया सच्चाधिट्ठानपरिपूरणं, सब्बूपधिपटिनिस्सग्गेन चागाधिट्ठानपरिपूरणं, सब्बसङ्ग्रारूपसमेन उपसमाधिट्ठानपरिपूरणं, पञ्ञपयोजन परिनिट्ठानेन धिट्ठानपरिपूरणन्ति ।
Jain Education International
तत्र महापुरिसस्स विसेसेन मेत्ताखेत्ते अभिजातियं सच्चाधिट्ठानसमुदागतस्स सच्चाधिट्ठानपरिपूरणमभिब्यत्तं, विसेसेन करुणाखेत्ते अभिसम्बोधियं पञ्ञाधिट्ठानसमुदागतस्स पञ्ञाधिट्टानपरिपूरणमभिब्यत्तं, विसेसेन मुदिताखेत्ते धम्मचक्कप्पवत्तने (सं० नि० ३.५.१०८१; महाव० १३; पटि० म० २.३०) चागाधिट्ठानसमुदागतस्स चागाधिट्ठानपरिपूरणमभिब्यत्तं, विसेसेन उपेक्खाखेत्ते परिनिब्बाने उपसमाधिट्ठानसमुदागतस्स उपसमाधिट्ठानपरिपूरणमभिब्यत्तन्ति दट्ठब्बं ।
तत्रपि सच्चाधिट्ठानसमुदागतस्स संवासेन सीलं वेदितब्बं, चागाधिट्ठानसमुदागतस्स संवोहारेन सोचेय्यं वेदितब्बं, उपसमाधिट्ठानसमुदागतस्स आपदासु थामो वेदितब्बो, पञ्ञाधिट्ठानसमुदागतस्स साकच्छाय पञ्ञा वेदितब्बा । एवं सीलाजीवचित्तदिट्ठिविसुद्धियो वेदितब्बा ।
86
पञ्ञा
For Private & Personal Use Only
www.jainelibrary.org
