Page Text
________________
(५.१६०-१६०)
अञ्ञथासत्थुगुणदस्सनादिवण्णना
पटिकूलसञ्ञी विहरति ? इट्ठस्मिं वत्थुस्मिं असुभाय वा फरति, अनिच्चतो वा उपसंहरती”ति । एवं सेसपदेसुपि अत्थो वेदितब्बो ।
उपेक्खको तत्थ विहरतीति इट्ठे अरज्जन्तो अनिट्टे अदुस्सन्तो यथा अञ असमपेक्खनेन मोहं उप्पादेन्ति, एवं अनुप्पादेन्तो छसु आरम्मणेसु छळङ्गुपेक्खाय उपेक्खको विहरति । एतदानुत्तरियं, भन्ते इद्धिविधासूति, भन्ते, या अयं द्वीसु इद्धीसु एवंदेसना, एतदानुत्तरियं । तं भगवाति तं देसनं भगवा असेसं सकलं अभिजानाति । तं भगवतोति तं देसनं भगवतो असेसं अभिजानतो । उत्तरि अभिज्ञेय्यं नत्थीति उत्तरि अभिजानितब्बं नत्थि । अयं नाम इतो अञ्ञो धम्मो वा पुग्गलो वा यं भगवा न जानाति इदं नत्थि | यदभिजानं अज्ञो समणो वा ब्राह्मणो वाति यं तुम्हेहि अनभिज्ञतं अञ्ञो समणो वा ब्राह्मणो वा अभिजानन्तो भगवता भिय्योभिञ्ञतरो अस्स, अधिकतरपञ्ञो भवेय्य । यदिदं इद्धिविधासूति एत्थ यदिदन्ति निपातमत्तं । इद्धिविधासु भगवता उत्तरितरो नत्थि । अतीतबुद्धापि हि इमा द्वे इद्धियो देसेसुं, अनागतापि इमाव देसेस्सन्ति । तुम्हेपि तेसं आणेन संसन्दित्वा इमाव देसयित्थ । इति भगवा इद्धिविधासु अनुत्तरोति दस्सेन्तो “इमिनापि कारणेन एवंपसन्नो अहं, भन्ते, भगवती "ति दीपेति । एतावता ये धम्मसेनापति दिवाट्ठाने निसीदित्वा सोळस अपरम्परियधम्मे सम्मसि, तेव दस्सिता होन्ति ।
Jain Education International
७१
अञ्ञथासत्थुगुणदस्सनादिवण्णना
१६०. इदानि अपरेनपि आकारेन भगवतो गुणे दस्सेन्तो यं तं भन्तेति आदिमाह । तत्थ सद्धेन कुलपुत्तेनाति सद्धा कुलपुत्ता नाम अतीतानागतपच्चुप्पन्ना बोधिसत्ता । तस्मा यं सब्बबोधिसत्तेन पत्तब्बन्ति वुत्तं होति । किं पन तेन पत्तब्बं ? नव लोकुत्तरधम्मा । आरद्धवीरियेनातिआदीसु "वीरियं थामो "तिआदीनि सब्बानेव वीरियवेवचनानि । तत्थ आरद्धवीरियेनाति पग्गहितवीरियेन । थामवताति थामसम्पन्न थिरवीरियेन । पुरिसथामेनाति तेन थामवता यं पुरिसथामेन पत्तब्बन्ति वृत्तं होति । अनन्तरपदद्वयेपि एसेव नयो । पुरिसधोरव्हेनाति या असमधुरेहि बुद्धेहि वहितब्बा धुरा, तं धुरं वहनसमत्थेन महापुरिसेन । अनुष्पत्तं तं भगवताति तं सब्बं अतीतानागतबुद्धेहि पत्तब्बं, सब्बमेव अनुप्पत्तं, भगवतो एकगुणोपि ऊनो नत्थीति दस्सेति । कामेसु कामसुखल्लिकानुयोगन्ति वत्थुकामेसु कामसुखल्लिकानुयोगं । यथा अञ्ञ केणियजटिलादयो समणब्राह्मणा " को जानाति
71
For Private & Personal Use Only
www.jainelibrary.org
| SR No. | 009981 |
| Book Title | Pathikvaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 326 |
| Language | Sanskrit |
| Classification | Interfaith & Buddhism |
| File Size | 11 MB |