________________
१८०
दीघनिकाये पाथिकवग्गट्ठकथा
(१०.३०९-३०९)
दूरतोव आहरियमानं दिस्वा "एतं मनापं, एतं अमनाप"न्ति चित्तं न उप्पादेतब्बं । अयं पटिलाभसन्तोसो नाम |
"इमं मनापं गण्हिस्सामि, इमं अमनापं न गण्हिस्सामी"ति अचिन्तेत्वा यंकिञ्चि यापनमत्तं गहेतब्बमेव, अयं पटिग्गहणसन्तोसो नाम ।
एत्थ पन देय्यधम्मो बहु, दायको अप्पं दातुकामो, अप्पं गहेतब्बं । देय्यधम्मो बहु, दायकोपि बहुं दातुकामो, पमाणेनेव गहेतब्बं । देय्यधम्मो न बहु, दायकोपि अप्पं दातुकामो, अप्पं गहेतब्बं । देय्यधम्मो न बहु, दायको पन बहुं दातुकामो, पमाणेन गहेतब्बं । पटिग्गहणस्मिहि मत्तं अजानन्तो मनुस्सानं पसादं मक्खेति, सद्धादेय्यं विनिपातेति, सासनं न करोति, विजातमातुयापि चित्तं गहेतुं न सक्कोति । इति मत्तं जानित्वाव पटिग्गहेतब्बन्ति अयं मत्तप्पटिग्गहणसन्तोसो नाम ।
सद्धकुलानियेव अगन्त्वा द्वारप्पटिपाटिया गन्तब्बं । अयं लोलुप्पविवज्जनसन्तोसो नाम । यथालाभसन्तोसादयो चीवरे वुत्तनया एव ।
पिण्डपातं परिभुजित्वा समणधम्मं अनुपालेस्सामीति एवं उपकारं अत्वा परिभुञ्जनं उपकारसन्तोसो नाम |
पत्तं पूरेत्वा आनीतं न पटिग्गहेतब्बं, अनुपसम्पन्ने सति तेन गाहापेतब्बं, असति हरापेत्वा पटिग्गहणमत्तं गहेतब्बं । अयं परिमाणसन्तोसो नाम ।
"जिघच्छाय पटिविनोदनं इदमेत्थ निस्सरण"न्ति एवं परिभुञ्जनं परिभोगसन्तोसो नाम।
निदहित्वा न परिभुजितब्बन्ति अयं सनिधिपरिवज्जनसन्तोसो नाम । मुखं अनोलोकेत्वा सारणीयधम्मे ठितेन विस्सज्जेतब्बं । अयं विस्सज्जनसन्तोसो नाम ।
पिण्डपातपटिसंयुत्तानि पन पञ्च धुतङ्गानि- पिण्डपातिकङ्गं, सपदानचारिकॉ,
180
Jain Education International
For Private & Personal Use Only
www.jainelibrary.org
