________________
(१०.३०९-३०९)
अरियवंसचतुक्कवण्णना
१८१
एकासनिकङ्गं, पत्तपिण्डिकङ्गं, खलुपच्छाभत्तिकङ्गन्ति । तेसं वित्थारकथा विसुद्धिमग्गे वुत्ता । इति पिण्डपातसन्तोसमहाअरियवंसं पूरयमानो भिक्खु इमानि पञ्च धुतङ्गानि गोपेति । इमानि गोपेन्तो पिण्डपातसन्तोसमहाअरियवंसेन सन्तुट्ठो होति । “वण्णवादी"तिआदीनि वुत्तनयेनेव वेदितब्बानि ।
सेनासनेनाति इध सेनासनं जानितब्द, सेनासनक्खेत्तं जानितब्द, सेनासनसन्तोसो जानितब्बो, सेनासनपटिसंयुत्तं धुतङ्गं जानितब्बं । तत्थ सेनासनन्ति मञ्चो, पीठं, भिसि, बिम्बोहनं, विहारो, अड्डयोगो, पासादो, हम्मियं, गुहा, लेणं, अट्टो, माळो, वेळुगुम्बो, रुक्खमूलं, यत्थ वा पन भिक्खू पटिक्कमन्तीति इमानि पन्नरस सेनासनानि ।
सेनासनक्खेत्तन्ति “सङ्घतो वा गणतो वा जातितो वा मित्ततो वा अत्तनो वा धनेन पंसुकूलं वा"ति छ खेत्तानि ।
सेनासनसन्तोसोति सेनासने वितक्कसन्तोसादयो पन्नरस सन्तोसा। ते पिण्डपाते वुत्तनयेनेव वेदितब्बा। सेनासनपटिसंयुत्तानि पन पञ्च धुतङ्गानि- आरञिकङ्गं, रुक्खमूलिकणं, अब्भोकासिकङ्गं, सोसानिकङ्गं, यथासन्ततिकङ्गन्ति । तेसं वित्थारकथा विसुद्धिमग्गे वुत्ता। इति सेनासनसन्तोसमहाअरियवंसं पूरयमानो भिक्खु इमानि पञ्च धुतङ्गानि गोपेति । इमानि गोपेन्तो सेनासनसन्तोसमहाअरियवंसेन सन्तुट्ठो होति ।
गिलानपच्चयो पन पिण्डपातेयेव पविट्ठो । तत्थ यथालाभयथाबलयथासारुप्पसन्तोसेनेव सन्तुस्सितब् । नेसज्जिकङ्गं भावनारामअरियवंसं भजति । वुत्तम्पि चेतं -
“पञ्च सेनासने वुत्ता, पञ्च आहारनिस्सिता । एको वीरियसंयुत्तो, द्वे च चीवरनिस्सिता''ति ।।
. इति आयस्मा धम्मसेनापति सारिपुत्तत्थेरो पथविं पत्थरमानो विय सागरकुच्छिं पूरयमानो विय आकासं वित्थारयमानो विय च पठमं चीवरसन्तोसं अरियवंसं कथेत्वा चन्दं उट्ठापेन्तो विय सूरियं उल्लङ्घन्तो विय च दुतियं पिण्डपातसन्तोसं कथेत्वा सिनेरुं उक्खिपेन्तो विय ततियं सेनासनसन्तोसं अरियवंसं कथेत्वा इदानि सहस्सनयप्पटिमण्डितं
181
Jain Education International
For Private & Personal Use Only
www.jainelibrary.org
