________________
( १०.३०९ - ३०९)
अरियवंसचतुक्कवण्णना
सातच्चकिरियाय आलसियविरहितों । सम्पजानो पटिस्सतोति सम्पजानपञ्ञाय चेव सतिया च युत्तो । अरियवंसे ठितोति अरियवंसे पतिट्ठितो ।
इतरीतरेन पिण्डपातेनाति येन केनचि पिण्डपातेन । एत्थापि पिण्डपातो जानितब्बो । पिण्डपातक्खेत्तं जानितब्बं, पिण्डपातसन्तोसो जानितब्बो, पिण्डपातपटिसंयुत्तं धुत जानितब्बं । तत्थ पिण्डपातोति “ओदनो, कुम्मासो, सत्तु, मच्छो, मंसं खीरं, दधि, सप्पि, नवनीतं, तेलं, मधु, फाणितं यागु खादनीयं, सायनीयं, लेहनीय "न्ति सोळस
पिण्डपाता ।
१७९
पिण्डपातक्खेत्तन्ति सङ्घभत्तं, उद्देसभत्तं, निमन्तनं, सलाकभत्तं, पक्खिकं, उपोसथिकं, पाटिपदिकं, आगन्तुकभत्तं, गमिकभत्तं, गिलानभत्तं, गिलानुपट्टाकभत्तं, धुरभत्तं कुटिभत्तं, वारभत्तं, विहारभत्तन्ति पन्नरस पिण्डपातक्खेत्तानि ।
पिण्डपातसन्तोसोति पिण्डपाते वितक्कसन्तोसो, गमनसन्तोसो, परियेसनसन्तोसो पटिलाभसन्तोसो, पटिग्गहणसन्तोसो, मत्तप्पटिग्गहणसन्तोसो, लोलुप्पविवज्जनसन्तोसो, यथालाभसन्तोसो, यथाबलसन्तोसो, यथासारूप्पसन्तोसो, उपकारसन्तोसो, परिमाणसन्तोसो, परिभोगसन्तोसो, सन्निधिपरिवज्जनसन्तोसो, विस्सज्जनसन्तोसोति पन्नरस सन्तोसा ।
तत्थ सादको भिक्खु मुखं धोवित्वा वितक्केति । पिण्डपातिकेन पन गणेन सद्धिं चरता सायं थेरूपट्ठानकाले “स्वे कत्थ पिण्डाय चरिस्सामाति असुकगामे, भन्ते", ति एत्तकं चिन्तेत्वा ततो पट्ठाय न वितक्केतब्बं । एकचारिकेन वितक्कमाळके ठत्वा वितक्केतब्बं । ततो परं वितक्केन्तो अरियवंसा चुतो होति परिबाहिरो । अयं वितक्कसन्तोसो नाम ।
पिण्डाय पविसन्तेन “कुहिं लभिस्सामी " ति अचिन्तेत्वा कम्मट्ठानसीसेन गन्तब्बं । अयं गमनसन्तोसो नाम ।
Jain Education International
परियेसन्तेन यं वा तं वा अगहेत्वा लज्जिं पेसलमेव गहेत्वा परियेसितब्बं । अयं परियेसनसन्तोसो नाम ।
179
For Private & Personal Use Only
www.jainelibrary.org
