Pathikvaggatthakatha

SR No.: 009981
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 326
Language: Sanskrit
Classification: Interfaith & Buddhism
File Size: 11 MB

Page 203

१७८
दीघनिकाये पाथिकवग्गट्ठकथा
(१०.३०९-३०९)
अञ्जस्मिं चीवरे सति पच्चत्थरणम्पि अधिट्ठातुं वट्टति । अनधिट्ठितमेव हि सन्निधि होति । अधिट्टितं न होतीति महासीवत्थेरो आह । अयं सन्निधिपरिवज्जनसन्तोसो नाम ।
विस्सज्जन्तेन पन न मुखं ओलोकेत्वा दातब्बं । सारणीयधम्मे ठत्वा विस्सज्जितब्बन्ति अयं विस्सज्जनसन्तोसो नाम ।
चीवरपटिसंयुत्तानि धुतङ्गानि नाम पंसुकूलिकणञ्चेव तेचीवरिकङ्गञ्च । तेसं वित्थारकथा विसुद्धिमग्गतो वेदितब्बा । इति चीवरसन्तोसमहाअरियवंसं पूरयमानो भिक्खु इमानि द्वे धुतङ्गानि गोपेति । इमानि गोपेन्तो चीवरसन्तोसमहाअरियवंसेन सन्तुट्ठो होति ।
वण्णवादीति एको सन्तुट्ठो होति, सन्तोसस्स वण्णं न कथेति, एको न सन्तुट्ठो होति, सन्तोसस्स वण्णं कथेति, एको नेव सन्तुट्ठो होति, न सन्तोसस्स वण्णं कथेति, एको सन्तुट्ठो चेव होति, सन्तोसस्स च वण्णं कथेति, तं दस्सेतुं “इतरीतरचीवरसन्तुट्ठिया च वण्णवादी''ति वुत्तं ।
___ अनेसनन्ति दूतेय्यपहिनगमनानुयोगप्पभेदं नानप्पकारं अनेसनं । अप्पतिरूपन्ति अयुत्तं । अलद्धा चाति अलभित्वा । यथा एकच्चो “कथं नु खो चीवरं लभिस्सामी''ति । पुञ्जवन्तेहि भिक्खूहि सद्धिं एकतो हुत्वा कोहलं करोन्तो उत्तसति परितसति, सन्तुट्ठो भिक्खु एवं अलद्धा चीवरं न परितसति। लद्धा चाति धम्मेन समेन लभित्वा । अगधितोति विगतलोभगिद्धो | अमुच्छितोति अधिमत्ततण्हाय मुच्छं अनापन्नो । अनज्झापनोति तण्हाय अनोत्थतो अपरियोनद्धो । आदीनवदस्सावीति अनेसनापत्तियञ्च गेधितपरिभोगे च आदीनवं पस्समानो। निस्सरणपञोति “यावदेव सीतस्स पटिघाताया''ति वुत्तं निस्सरणमेव पजानन्तो।
इतरीतरचीवरसन्तुट्ठियाति येन केनचि चीवरेन सन्तुट्ठिया। नेवत्तानुक्कंसेतीति “अहं पंसुकूलिको मया उपसम्पदमाळेयेव पंसुकूलिकङ्गं गहितं, को मया सदिसो अत्थी'ति अत्तुक्कंसनं न करोति । न परं वम्भेतीति “इमे पनचे भिक्खू न पंसुकूलिका"ति वा "पंसुकूलिकङ्गमत्तम्पि एतेसं नत्थी"ति वा एवं परं न वम्भेति । यो हि तत्थ दक्खोति यो तस्मिं चीवरसन्तोसे, वण्णवादादीसु वा दक्खो छेको ब्यत्तो। अनलसोति
178