Page Text
________________
(६.१७४-१७८)
सनायितब्बधम्मादिवण्णना
१७४. ब्रह्मचारिनोति ब्रह्मचरियवासं वसमाना अरियसावका। कामभोगिनोति गिहिसोतापन्ना । “इद्धञ्चेवा''तिआदीनि महापरिनिब्बाने वित्थारितानेव । लाभग्गयसग्गपत्तन्ति लाभग्गञ्चेव यसग्गञ्च पत्तं ।
१७५. सन्ति खो पन मे, चुन्द, एतरहि थेरा भिक्खू सावकाति सारिपुत्तमोग्गल्लानादयो थेरा। भिक्खुनियोति खेमाथेरीउप्पलवण्णथेरीआदयो । उपासका सावका गिही ओदातवत्थवसना ब्रह्मचारिनोति चित्तगहपतिहत्थकआळवकादयो । कामभोगिनोति चूळअनाथपिण्डिकमहाअनाथपिण्डिकादयो । ब्रह्मचारिनियोति नन्दमातादयो । कामभोगिनियोति खुज्जुत्तरादयो।
१७६. सब्बाकारसम्पन्नन्ति सब्बकारणसम्पन्नं । इदमेव तन्ति इदमेव ब्रह्मचरियं, इममेव धम्मं सम्मा हेतुना नयेन वदमानो वदेय्य । उदकास्सुदन्ति उदको सुदं। पस्सं न पस्सतीति पस्सन्तो न पस्सति । सो किर इमं पऽहं महाजनं पुच्छि । तेहि “न जानाम, आचरिय. कथेहि नो"ति वत्तो सो आह- "गम्भीरो अयं पञ्हो आहारसप्पाये सति थोकं चिन्तेत्वा सक्का कथेतु''न्ति । ततो तेहि चत्तारो मासे महासक्कारे कते तं पन्हं कथेन्तो किञ्च पस्सं न पस्सतीतिआदिमाह। तत्थ साधुनिसितस्साति सुटुनिसितस्स तिखिणस्स, सुनिसितखुरस्स किर तलं पञ्जायति, धारा न पायतीति अयमेत्थ अत्थो ।
सङ्गायितब्बधम्मादिवण्णना १७७. सङ्गम समागम्माति सङ्गन्त्वा समागन्त्वा । अत्थेन अत्यं, व्यञ्जनेन व्यञ्जनन्ति अत्थेन सह अत्यं, ब्यञ्जनेनपि सह ब्यञ्जनं समानेन्तेहीति अत्थो। सङ्गायितब्बन्ति वाचेतब्बं सज्झायितब्बं । यथयिदं ब्रह्मचरियन्ति यथा इदं सकलं सासनब्रह्मचरियं ।
१७८. तत्र चेति तत्र सङ्घमज्झे, तस्स वा भासिते । अत्थञ्चेव मिच्छा गण्हाति, ब्यञ्जनानि च मिच्छा रोपेतीति "चत्तारो सतिपट्टाना"ति एत्थ आरम्मणं "सतिपट्ठान"न्ति अत्थं गण्हाति । “सतिपट्ठानानी"ति ब्यञ्जनं रोपेति । इमस्स नु खो, आवुसो, अत्थस्साति “सतियेव सतिपट्ठान"न्ति । अत्थस्स “चत्तारो सतिपट्ठाना"ति किं नु खो इमानि ब्यञ्जनानि, उदाहु चत्तारि सतिपट्ठानानी"ति एतानि वा ब्यञ्जनानि । कतमानि ओपायिकतरानीति इमस्स अत्थस्स कतमानि ब्यञ्जनानि उपपन्नतरानि अल्लीनतरानि ।
85
Jain Education International
For Private & Personal Use Only
www.jainelibrary.org
| SR No. | 009981 |
| Book Title | Pathikvaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 326 |
| Language | Sanskrit |
| Classification | Interfaith & Buddhism |
| File Size | 11 MB |