Pathikvaggatthakatha

SR No.: 009981
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 326
Language: Sanskrit
Classification: Interfaith & Buddhism
File Size: 11 MB

Page 111

दीघनिकाये पाथिकवग्गट्ठकथा
(६.१८१-१८३)
11.1111
इमेसञ्च व्यञ्जनानन्ति “चत्तारो सतिपट्ठाना"ति ब्यञ्जनानं “सतियेव सतिपट्ठान"न्ति किं नु खो अयं अत्थो, उदाहु "आरम्मणं सतिपट्ठान"न्ति एसो अत्थोति? इमस्स खो, आवुसो, अत्थस्साति “आरम्मणं सतिपट्ठान''न्ति इमस्स अत्थस्स | या चेव एतानीति यानि चेव एतानि मया वुत्तानि | या चेव एसोति यो चेव एस मया वुत्तो। सो नेव उस्सादेतब्बोति तुम्हेहि ताव सम्मा अत्थे च सम्मा ब्यञ्जने च ठातब्बं । सो पन नेव उस्सादेतब्बो, न अपसादेतब्बो। सापेतब्बोति जानापेतब्बो। तस्स च अत्थस्साति "सतियेव सतिपट्ठान'"न्ति अत्थस्स च । तेसञ्च व्यञ्जनानन्ति “सतिपट्ठाना"ति व्यञ्जनानं । निसन्तियाति निसामनत्थं धारणत्थं । इमिना नयेन सब्बवारेसु अत्थो वेदितब्बो।
१८१. तादिसन्ति तुम्हादिसं। अत्थुपेतन्ति अत्थेन उपेतं अत्थस्स विञातारं । व्यञ्जनुपेतन्ति ब्यञ्जनेहि उपेतं ब्यञ्जनानं विज्ञातारं । एवं एतं भिक्खुं पसंसथ । एसो हि भिक्खु न तुम्हाकं सावको नाम, बुद्धो नाम एस चुन्दाति । इति भगवा बहुस्सुतं भिक्खु अत्तनो ठाने ठपेसि ।
पच्चयानुञातकारणादिवण्णना
__१८२. इदानि ततोपि उत्तरितरं देसनं वड्डेन्तो न वो अहं, चुन्दातिआदिमाह । तत्थ दिठ्ठधम्मिका आसवा नाम इधलोके पच्चयहेतु उप्पज्जनका आसवा। सम्परायिका आसवा नाम परलोके भण्डनहेतु उप्पज्जनका आसवा । संवरायाति यथा ते न पविसन्ति, एवं पिदहनाय । पटिघातायाति मूलघातेन पटिहननाय । अलं वो तं यावदेव सीतस्स पटिघातायाति तं तुम्हाकं सीतस्स पटिघाताय समत्थं । इदं वुत्तं होति, यं वो मया चीवरं अनुज्ञातं, तं पारुपित्वा दप्पं वा मानं वा कुरुमाना विहरिस्सथाति न अनुज्ञातं, तं पन पारुपित्वा सीतप्पटिघातादीनि कत्वा सुखं समणधम्मं योनिसो मनसिकारं करिस्सथाति अनुज्ञातं । यथा च चीवरं, एवं पिण्डपातादयोपि । अनुपदसंवण्णना पनेत्थ विसुद्धिमग्गे वुत्तनयेनेव वेदितब्बा।
सुखल्लिकानुयोगादिवण्णना
१८३. सुखल्लिकानुयोगन्ति सुखल्लियनानुयोगं, सुखसेवनाधिमुत्तन्ति अत्थो । सुखेतीति सुखितं करोति । पीणेतीति पीणितं थूलं करोति ।
.
86