Page Text
________________
दीघनिकाये महावग्गट्ठकथा
(१.३७-३८)
हुत्वा सन्तिट्ठति । सुवण्णफलकमज्झे ठपितरजतपुब्बुळकं विय, सुवण्णघटतो निक्खममाना खीरधारा विय, अरुणप्पभारञ्जिते गगनप्पदेसे ओसधितारका विय च अतिमनोहराय सिरिया विरोचति ।
उण्हीससीसोति इदं परिपुण्णनलाटतञ्च परिपुण्णसीसतं चाति द्वे अत्थवसे पटिच्च वुत्तं । महापुरिसस्स हि दक्खिणकण्णचूळिकतो पट्ठाय मंसपटलं उट्ठहित्वा सकलनलाटं छादयमानं पूरयमानं गन्त्वा वामकण्णचूळिकायं पतिट्टितं, तं रो बन्धउण्हीसपट्टो विय विरोचति । महापुरिसस्स किर इमं लक्खणं दिस्वा राजूनं उण्हीसपढें अकंसु । अयं ताव एको अत्थो । अछे पन जना अपरिपुण्णसीसा होन्ति, केचि कपिसीसा, केचि फलसीसा, केचि अट्ठिसीसा, केचि हथिसीसा, केचि तुम्बसीसा, केचि पब्भारसीसा । महापुरिसस्स पन आरग्गेन वठूत्वा ठपितं विय सुपरिपुण्णं उदकपुब्बुळसदिसं सीसं होति । तत्थ पुरिमनये उण्हीसवेठितसीसो वियाति उण्हीससीसो । दुतियनये उण्हीसं विय सब्बत्थ परिमण्डलसीसोति उण्हीससीसो ।
विपस्सीसमावण्णना ३७. सब्बकामेहीति इदं लक्खणानि परिग्गण्हापेत्वा पच्छा कतं विय वुत्तं, न पनेवं दट्ठब्बं । पठमहि ते नेमित्तके सन्तप्पेत्वा पच्छा लक्खणपरिग्गण्हनं कतन्ति वेदितब्बं । तस्स वित्थारो गब्भोक्कन्तियं वुत्तोयेव । पायेन्तीति थझं पायेन्ति । तस्स किर निद्दोसेन मधुरेन खीरेन समन्नागता सट्टि धातियो उपट्ठापेसि, तथा सेसापि तेसु तेसु कम्मेसु कुसला सट्ठिसट्ठियेव । तासं पेसनकारके सट्ठि पुरिसे, तस्स तस्स कताकतभावं सल्लक्खणे सढि अमच्चे उपट्ठापेसि । एवं चत्तारि सट्ठियो इत्थीनं, द्वे सट्ठियो पुरिसानन्ति छ सट्ठियो उपट्ठकानंयेव अहेसुं । सेतच्छत्तन्ति दिब्बसेतच्छत्तं । कुलदत्तियं पन सिरिगब्भेयेव तिट्टति । मा नं सीतं वातिआदीसु मा अभिभवीति अत्थो वेदितब्बो । स्वास्सुदन्ति सो अस्सुदं । अङ्केनेव अङ्कन्ति अञस्स बाहुनाव अञस्स बाहुं । अञस्स च अंसकूटेनेव अञस्स अंसकूटं । परिहरियतीति नीयति, सम्पापियतीति अत्थो ।
३८. मञ्जुस्सरोति अखरस्सरो। वग्गुस्सरोति छेकनिपुणस्सरो। मधुरस्सरोति सातस्सरो। पेमनियस्सरोति पेमजनकस्सरो। तत्रिदं करवीकानं मधुरस्सरताय - करवीकसकुणे किर मधुररसं अम्बपक्कं मुखतुण्डकेन पहरित्वा पग्घरितरसं पिवित्वा
Jain Education International
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |