Page Text
________________
(१.३५-३५)
द्वत्तिंसमहापुरिसलक्खणवण्णना
पहूतजिव्होति पुथुलजिव्हो । असं जिव्हा थूलापि होन्ति किसापि रस्सापि थद्धापि विसमापि, महापुरिसस्स पन जिव्हा मुदु दीघा पुथुला वण्णसम्पन्ना होति । सो हि एतं लक्खणं परियेसितुं आगतानं कलाविनोदनत्थं मुदुकत्ता तं जिव्हं कथिनसूचिं विय वठूत्वा उभो नासिकसोतानि परामसति, दीघत्ता उभो कण्णसोतानि परामसति, पुथुलत्ता केसन्तपरियोसानं केवलम्पि नलाटं पटिच्छादेति । एवमस्स मुदुदीघपुथुलभावं पकासेन्तो तेसं कचं विनोदेति । एवं तिलक्खणसम्पन्नं जिव्हं सन्धाय “पहूतजिव्हो"ति वुत्तं ।
ब्रह्मस्सरोति अछे छिन्नस्सरापि भिन्नस्सरापि काकस्सरापि होन्ति, अयं पन महाब्रह्मनो सरसदिसेन सरेन समन्नागतो भविस्सति, महाब्रह्मनो हि पित्तसेम्हेहि अपलिबुद्धत्ता सरो विसदो होति । महापुरिसेनापि कतकम्मं तस्स वत्थु सोधेति । वत्थुनो सुद्धत्ता नाभितो पट्ठाय समुट्ठहन्तो सरो विसदो अट्ठङ्गसमन्नागतोव समुट्ठाति । करवीको विय भणतीति करवीकभाणी, मत्तकरवीकरुतमञ्जुघोसोति अत्थो ।
अभिनीलनेत्तोति न सकलनीलनेत्तो, नीलयुत्तट्ठाने पनस्स उमापुप्फसदिसेन अतिविसुद्धेन नीलवण्णेन समन्नागतानि नेत्तानि होन्ति, पीतयुत्तट्टाने कणिकारपुप्फसदिसेन पीतवण्णेन, लोहितयुत्तट्ठाने बन्धुजीवकपुप्फसदिसेन लोहितवण्णेन, सेतयुत्तहाने ओसधितारकसदिसेन सेतवण्णेन, काळयुत्तट्ठाने अद्दारिट्ठकसदिसेन काळवण्णेन समन्नागतानि । सुवण्णविमाने उग्घाटितमणिसीहपञ्जरसदिसानि खायन्ति ।
गोपखुमोति एत्थ पखुमन्ति सकलचक्खुभण्डं अधिप्पेतं, तं काळवच्छकस्स बहलधातुकं होति, रत्तवच्छकस्स विप्पसन्नं, तंमुहुत्तजाततरुणरत्तवच्छकसदिसचक्खुभण्डोति अत्थो । अञ्चेसहि चक्खुभण्डा अपरिपुण्णा होन्ति, हथिमूसिकादीनं अक्खिसदिसेहि विनिग्गतेहिपि गम्भीरेहिपि अक्खीहि समन्नागता होन्ति । महापुरिसस्स पन धोवित्वा मज्जित्वा ठपितमणिगुळिका विय मुदुसिनिद्धनीलसुखुमपखुमाचितानि अक्खीनि ।
उण्णाति उण्णलोमं । भमुकन्तरेति द्विन्नं भमुकानं वेमज्झे नासिकमत्थकेयेव जाता, उग्गन्त्वा पन नलाटवेमज्झे जाता । ओदाताति परिसुद्धा, ओसधितारकसमानवण्णा | मुदूति सप्पिमण्डे ओसारेत्वा ठपितसतवारविहतकप्पासपटलसदिसा । तूलसन्निभाति सिम्बलितूललतातूलसमाना, अयमस्स ओदातताय उपमा । सा पनेसा कोटियं गहेत्वा आकड्वियमाना उपड्ढबाहुप्पमाणा होति, विस्सट्ठा दक्खिणावट्टवसेन आवट्टित्वा उद्धग्गा
37
Jain Education International
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |