Page Text
________________
(१.३३-३३)
द्वत्तिंसमहापुरिसलक्खणवण्णना
३१
पन कुमारे रज्जं कारयमाने एतस्स जनपदो पासाणपिट्ठियं ठपेत्वा अयोपट्टेन परिक्खित्तो विय थिरो भविस्सतीति दस्सेन्तो – “जनपदत्थावरियप्पत्तो''ति आहंसु ।
सत्तरतनसमत्रागतोति एत्थ रतिजननटेन रतनं। अपिच -
“चित्तीकतं महग्घञ्च, अतुलं दुल्लभदस्सनं । अनोमसत्तपरिभोगं, रतनं तेन वुच्चति' ।।
चक्करतनस्स च निब्बत्तकालतो पट्टाय अनं देवट्ठानं नाम न होति, सब्बे गन्धपुप्फादीहि तस्सेव पूजञ्च अभिवादनादीनि च करोन्तीति चित्तीकतट्टेन रतनं । चक्करतनस्स च एत्तकं नाम धनं अग्घतीति अग्यो नत्थि, इति महग्घटेनापि रतनं । चक्करतनञ्च अञहि लोके विज्जमानरतनेहि असदिसन्ति अतुलटेनापि रतनं । यस्मा च पन यस्मिं कप्पे बुद्धा उप्पज्जन्ति, तस्मिंयेव चक्कवत्तिनो उप्पज्जन्ति, बुद्धा च कदाचि करहचि उप्पज्जन्ति, तस्मा दुल्लभदस्सनटेनापि रतनं । तदेतं जातिरूपकुलइस्सरियादीहि अनोमस्स उळारसत्तस्सेव उप्पज्जति, न अञस्साति अनोमसत्तपरिभोगटेनापि रतनं । यथा चक्करतनं, एवं सेसानिपीति । इमेहि सत्तहि रतनेहि परिवारभावेन चेव सब्बभोगूपकरणभावेन च समन्नागतोति सत्तरतनसमन्नागतो।
इदानि तेसं सरूपतो दस्सनत्थं तस्सिमानीतिआदि वुत्तं । तत्थ चक्करतनन्तिआदीसु अयं सोपाधिप्पायो- द्वेसहस्सदीपपरिवारानं चतुन्नं महादीपानं सिरिविभवं गहेत्वा दातुं समत्थं चक्करतनं पातुभवति । तथा पुरेभत्तमेव सागरपरियन्तं पथविं अनुसंयायनसमत्थं वेहासङ्गमं हत्थिरतनं, तादिसमेव अस्सरतनं, चतुरङ्गसमन्नागते अन्धकारे योजनप्पमाणं अन्धकारं विधमित्वा आलोकदस्सनसमत्थं मणिरतनं, छब्बिधदोसविवज्जितं मनापचारि इत्थिरतनं, योजनप्पमाणे अन्तोपथविगतं निधिं दस्सनसमत्थं गहपतिरतनं, अग्गमहेसिया कुच्छिम्हि निब्बत्तित्वा सकलरज्जमनुसासनसमत्थं जेट्टपुत्तसङ्खातं परिणायकरतनं पातुभवति ।
परोसहस्सन्ति अतिरेकसहस्सं | सूराति अभीरुका । वीरङ्गरूपाति वीरानं अङ्गं वीरङ्ग, वीरियस्सेतं नामं, वीरङ्गं रूपमेतेसन्ति वीरङ्गरूपा, वीरियजातिका वीरियसभावा वीरियमया अकिलासुनो अहेसुं । दिवसम्पि युज्झन्ता न किलमन्तीति वुत्तं होति । सागरपरियन्तन्ति चक्कवाळपब्बतं सीमं कत्वा ठितसमुद्दपरियन्तं । अदण्डेनाति ये कतापराधे सत्ते सतम्पि
31
Jain Education International
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |