________________
३०२
दीघनिकाये महावग्गट्ठकथा
कोचि, भिक्खवे, इमे चत्तारो सतिपट्ठाने एवं भावेय्य सत्त वस्सानी "ति इमस्मिं ठाने सल्लक्खेसि। लोकुत्तरमग्गो उप्पज्जित्वा सत्त वस्सानि तिट्ठमानो नाम नत्थि, मया वुत्तो मिस्सकमग्गो न लब्भति । चूळनागेन दिट्ठो पुब्बभागमग्गोव लब्भतीति ञत्वा अट्ठमियं धम्मसवने सङ्घट्टे अगमासि ।
पोराणकत्थेरा किर पियधम्मसवना होन्ति, सद्दं सुत्वाव " अहं पठमं, अहं पठम''न्ति एकप्पहारेनेव ओसरन्ति । तस्मिञ्च दिवसे चूळनागत्थेरस्स वारो, तेन धम्मासने निसीदित्वा बीजनिं गत्वा पुब्बगाथासु वुत्तासु थेरस्स आसनपिट्ठियं ठितस्स एतदहोसि - “ रहो निसीदित्वा न वक्खामी 'ति । पोराणकत्थेरा हि अनुसूयका होन्ति । न अत्तनो रुचिमेव उच्छुभारं विय एवं उक्खिपित्वा विचरन्ति कारणमेव गण्हन्ति, अकारणं विस्सज्जेन्ति । तस्मा थेरो "आवुसो, चूळनागा" ति आह । सो आचरियस्स विय सोति धम्मं ठपेत्वा " किं भन्ते 'ति आह । आवुसो, चूळनाग, मया वुत्तो मिस्सकमग्गो न लब्भति, तया वुत्तो पुब्बभागसतिपट्ठानमग्गोव लब्भतीति । थेरो चिन्तेसि - " अम्हाकं आचरियो सब्बपरियत्तिको तेपिटको सुतबुद्धी, एवरूपस्सापि नाम भिक्खुनो अयं पञ्हो आलुळेति, अनागते मम भातिका इमं पञ्हं आलुळेस्सन्तीति सुत्तं गत्वा इमं पहं निच्चलं करिस्सामी "ति पटिसम्भिदामग्गतो " एकायनमग्गो वुच्चति पुब्बभागसतिपट्ठानमग्गो” ।
Jain Education International
मग्गानट्ठङ्गिको सेट्ठो, सच्चानं चतुरो पदा । विरागो सेट्ठो धम्मानं द्विपदानञ्च चक्खुमा । ।
एसेव मग्गो नत्थञ्ज, दस्सनस्स विसुद्धिया । एहि तुम्हे पटिपज्जथ, मारसेनप्पमद्दनं । एतहि तुम्हे पटिपन्ना, दुक्खस्सन्तं करिस्सथाति । । -
(९.३७३-३७३)
सुत्तं आहरित्वा ठपेसि ।
मग्गोति केनट्टेन मग्गो ? निब्बानगमनट्टेन निब्बानत्थिकेहि मग्गनीयट्ठेन च । सत्तानं विसुद्धियाति रागादीहि मलेहि अभिज्झाविसमलोभादीहि च उपक्किलेसेहि किलिट्ठचित्तानं सत्तानं विसुद्धत्थाय । तथा हि इमिनाव मग्गेन इतो सतसहस्सकप्पाधिकानं चतुन्नं
302
For Private & Personal Use Only
www.jainelibrary.org
