________________
(९.३७३-३७३)
उद्देसवारकथावण्णना
३०३
असङ्खयेय्यानं उपरि एकस्मिंयेव कप्पे निब्बत्ते तण्हङ्करमेधङ्करसरणङ्करदीपङ्करनामके बुद्ध आदि कत्वा सक्यमुनिपरियोसाना अनेके सम्मासम्बुद्धा अनेकसता पच्चेकबुद्धा गणनपथं वीतिवत्ता अरियसावका चाति इमे सत्ता सब्बे चित्तमलं पवाहेत्वा परमविसुद्धिं पत्ता । रूपमलवसेन पन संकिलेसवोदानपत्तियेव नत्थि । तथा हि
"रूपेन संकिलिटेन, संकिलिस्सन्ति माणवा । रूपे सुद्धे विसुज्झन्ति, अनक्खातं महेसिना ।।
चित्तेन संकिलिटेन, संकिलिस्सन्ति माणवा । चित्ते. सुद्धे विसुज्झन्ति, इति वुत्तं महेसिना" ।।
यथाह - "चित्तसंकिलेसा, भिक्खवे, सत्ता संकिलिस्सन्ति, चित्तवोदाना विसुज्झन्ती"ति । तञ्च चित्तवोदानं इमिना सतिपट्ठानमग्गेन होति। तेनाह "सत्तानं विसुद्धिया'ति ।
सोकपरिदेवानं समतिक्कमायाति सोकस्स च परिदेवस्स च समतिक्कमाय पहानायाति अत्थो, अयहि मग्गो भावितो सन्ततिमहामत्तादीनं विय सोकसमतिक्कमाय, पटाचारादीनं विय परिदेवसमतिक्कमाय संवत्तति। तेनाह “सोकपरिदेवानं समतिक्कमाया"ति । किञ्चापि हि सन्ततिमहामत्तो
"यं पुब्बे तं विसोधेहि, पच्छा ते मातु किञ्चनं ।। मज्झे चे नो गहेस्ससि, उपसन्तो चरिस्ससी''ति ।। (सु० नि० ९४५)
इमं गाथं सुत्वाव सह पटिसम्भिदाहि अरहत्तं पत्तो । पटाचारा
"न सन्ति पत्ता ताणाय. न पिता नापि बन्धवा । अन्तकेनाधिपन्नस्स, नत्थि आतीसु ताणता"ति ।। (ध० प० २८८)
इमं गाथं सुत्वा सोतापत्तिफले पतिहिता । यस्मा पन कायवेदनाचित्तधम्मेसु कञ्चि
303
Jain Education International
For Private & Personal Use Only
www.jainelibrary.org
