Page Text
________________
(८.३५१-३५२)
सक्कूपसङ्कमवण्णना
२६७
३५१. एवञ्च पन तथागताति धम्मसङ्गाहकत्थेरेहि ठपितवचनं । अभिवदन्तीति अभिवादनसम्पटिच्छनेन वड्डितवचनेन वदन्ति । अभिवदितोति वड्डितवचनेन वुत्तो।।
उरुन्दा समपादीति महन्ता विवटा अहोसि, अन्धकारो गुहायं अन्तरधायि । आलोको उदपादीति यो पकतिया गुहायं अन्धकारो, सो अन्तरहितो, आलोको जातो। सब्बमेतं धम्मसङ्गाहकानं वचनं।
३५२. चिरपटिकाहं, भन्तेति चिरतो अहं, चिरतो पट्ठायाहं दस्सनकामोति अत्थो । केहिचि केहिचि किच्चकरणीयेहीति देवानं धीता च पुत्ता च अङ्के निब्बत्तन्ति, पादपरिचारिका इत्थियो सयने निब्बत्तन्ति, तासं मण्डनपसाधनकारिका देवता सयनं परिवारेत्वा निब्बत्तन्ति, वेय्यावच्चकरा अन्तोविमाने निब्बत्तन्ति, एतेसं अत्थाय अड्डकरणं नाम नत्थि । ये पन सीमन्तरे निब्बत्तन्ति, ते “तव सन्तका, मम सन्तका"ति निच्छेतुं असक्कोन्ता अड्डे करोन्ति, सक्कं देवराजानं पुच्छन्ति । सो “यस्स विमानं आसन्नतरं, तस्स सन्तका"ति वदति । सचे द्वेपि समट्ठाने होन्ति, “यस्स विमानं ओलोकेन्ती ठिता, तस्स सन्तका"ति वदति । सचे एकम्पि न ओलोकेति, तं उभिन्नं कलहुपच्छेदनत्थं अत्तनो सन्तकं करोति। कीळादीनिपि किच्चानि करणीयानेव। एवरूपानि तानि करणीयानि सन्धाय “केहिचि केहिचि किच्चकरणीयेही"ति आह ।
सलळागारकेति सलळमयगन्धकुटियं । अञतरेन समाधिनाति तदा किर भगवा सक्कस्सेव अपरिपाकगतं आणं विदित्वा ओकासं अकारेतुकामो फलसमापत्तिविहारेन निसीदि । तं एस अजानन्तो “अञ्जतरेन समाधिना"ति आह । भूजति च नामाति भूजतीति तस्सा नामं । परिचारिकाति पादपरिचारिका देवधीता। सा किर द्वे फलानि पत्ता, तेनस्सा देवलोके अभिरतियेव नत्थि । निच्चं भगवतो उपट्टानं आगन्त्वा अञ्जलिं सिरसि ठपेत्वा भगवन्तं नमस्समाना तिठ्ठति । नेमिसद्देन तम्हा समाधिम्हा वुद्वितोति "समापन्नो सदं सुणातीति नो वत रे वत्तब्बे, ननु भगवा सक्कस्स देवानमिन्दस्स “अपिचाहं आयस्मतो चक्कनेमिसद्देन तम्हा समाधिम्हा वुट्टितो'"ति भणतीति । तिठ्ठतु नेमिसद्दो, समापन्नो नाम अन्तोसमापत्तियं कण्णमूले धममानस्स सङ्खयुगळस्सापि असनिसन्निपातस्सापि सदं न सुणाति | भगवा पन “एत्तकं कालं सक्कस्स ओकासं न करिस्सामी''ति परिच्छिन्दित्वा कालवसेन फलसमापत्तिं समापन्नो । सक्को “न दानि मे सत्था ओकासं करोती''ति गन्धकुटिं पदक्खिणं कत्वा रथं निवत्तेत्वा देवलोकाभिमुखं पेसेसि ।
267
Jain Education International
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |