Mahavaggatthakatha

SR No.: 009980
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 466
Language: Sanskrit
Classification: Interfaith & Buddhism
File Size: 20 MB

Page 291

दीघनिकाये महावग्गट्ठकथा
३४९. संसन्दतीति कस्मा गीतसद्दस्स चेव वीणासद्दस्स च वण्णं कथेसि ? किं तत्थ भगवतो सारागो अत्थीति ? नत्थि । छळङ्गुपेक्खाय उपेक्खको भगवा एतादिसेसु ठानेसु, केवलं इट्ठानिट्टं जानाति, न तत्थ रज्जति । वुत्तम्पि चेतं "संविज्जति खो, आवुसो, भगवतो चक्खु, पस्सति भगवा चक्खुना रूपं, छन्दरागो भगवतो नत्थि, सुविमुत्तचित्तो भगवा | संविज्जति खो, आवुसो, भगवतो सोत "न्तिआदि (सं० नि० २.४.२३२) । सचे पन वण्णं न कथेय्य, पञ्चसिखो "ओकासो मे कतो" ति न जानेय्य । अथ सक्को “भगवता पञ्चसिखस्स ओकासो न कतो" ति देवता गहेत्वा ततोव पटिनिवत्तेय्य, ततो महाजानियो भवेय्य । वण्णे पन कथिते "कतो भगवता पञ्चसिखस्स ओकासो "ति देवताहि सद्धिं उपसङ्कमित्वा पञ्हं पुच्छित्वा विस्सज्जनावसाने असीतिया देवतासहस्सेहि सद्धिं सोतापत्तिफले पतिट्ठहिस्सतीति ञत्वा वण्णं कथेसि ।
२६६
तत्थ कदा संयूळ्हाति कदा गन्थिता पिण्डिता । तेन खो पनाहं, भन्ते, समयेनाति तेन समयेन तस्मिं तुम्हाकं सम्बोधिप्पत्तितो पट्ठाय अट्ठमे सत्ताहे । भद्दा नाम सूरियवच्छसाति नामतो भद्दा सरीरसम्पत्तिया सूरियवच्छसा । भगिनीति वोहारवचनमेतं, देवधीतात अत्थो । परकामिनीति परं कामेति अभिकङ्क्षति ।
उपनच्चन्तियाति नच्चमानाय । सा किर एकस्मिं समये चातुमहाराजिकदेवेहि सद्धिं सक्कस्स देवराजस्स नच्चं दस्सनत्थाय गता, तस्मिञ्च खणे सक्को तथागतस्स अट्ठ यथाभुच्चे गुणे पयिरुदाहासि । एवं तस्मिं दिवसे गन्त्वा नच्चन्ती अस्सोसि ।
( ८.३४९ - ३५० )
सक्कूपसङ्कमवण्णना
३५०. पटिसम्मोदतीति "संसन्दति खो ते "तिआदीनि वदन्तो भगवा सम्मोदति, पञ्चसिखो पटिसम्मोदति । गाथा च भासन्तो पञ्चसिखो सम्मोदति, भगवा पटिसम्मोदति । आमन्तेसीति जानापेसि । तस्स किरेवं अहोसि " अयं पञ्चसिखो मया मम कम्मेन पेसितो अत्तनो कम्मं करोति । एवरूपस्स सत्थु सन्तिके ठत्वा कामगुणूपसहितं अननुच्छविकं कथेसि, नटा नाम निल्लज्जा होन्ति, कथेन्तो विप्पकारम्पि दस्सेय्य, हन्द नं मम कम्मं जानापेमी 'ति चिन्तेत्वा आमन्तेसि ।
266