Page Text
________________
दीघनिकाये महावग्गट्टकथा
(१.४-४)
ते सोतावधारणसाधुकमनसिकारेसु नियोजत्वा अङ्ग्रेसं असाधारणं छिन्नवटुमकानुस्सरणं पकासेतुकामो इतो सो, भिक्खवेतिआदिमाह । तत्थ यं विपस्सीति यस्मिं कप्पे विपस्सी । अयहि 'यन्ति सद्दो "यं मे, भन्ते, देवानं तावतंसानं सम्मुखा सुतं सम्मुखा पटिग्गहितं, आरोचेमि तं, भगवतो''तिआदीसु (दी० नि० २.२०३) पच्चत्तवचने दिस्सति । “यं तं अपुच्छिम्ह अकित्तयी नो, अझं तं पुच्छाम तदिच ब्रूही"तिआदीसु (सु० नि० ८८१) उपयोगवचने । “अट्ठानमेतं, भिक्खवे, अनवकासो, यं एकिस्सा लोकधातुया''तिआदीसु (अ० नि० १.१.२७७) करणवचने । इध पन भुम्मत्थेति दट्टब्बो । तेन वुत्तं - “यस्मिं कप्पे''ति । उदपादीति दससहस्सिलोकधातुं उन्नादेन्तो उप्पज्जि ।
भद्दकप्पेति पञ्चबुद्धप्पादपटिमण्डितत्ता सुन्दरकप्पे सारकप्पेति भगवा इमं कप्पं थोमेन्तो एवमाह । यतो पट्ठाय किर अम्हाकं भगवता अभिनीहारो कतो, एतस्मिं अन्तरे एककप्पेपि पञ्च बुद्धा निब्बत्ता नाम नत्थि । अम्हाकं भगवतो अभिनीहारस्स पुरतो पन तण्हङ्करो, मेधङ्करो, सरणङ्करो, दीपङ्करोति चत्तारो बुद्धा एकस्मिं कप्पे निब्बत्तिंसु । तेसं ओरभागे एकं असङ्ख्येय्यं बुद्धसुझमेव अहोसि ।।
असङ्ख्येय्यकप्पपरियोसाने पन कोण्डञो नाम बुद्धो एकोव एकस्मिं कप्पे उप्पन्नो । ततोपि असङ्ख्येय्यं बुद्धसुझमेव अहोसि । असङ्ख्येय्यकप्पपरियोसाने मङ्गलो, सुमनो, रेवतो, सोभितोति चत्तारो बुद्धा एकस्मिं कप्पे उप्पन्ना । ततोपि असङ्ख्येय्यं बुद्धसुझमेव अहोसि । असङ्ख्येय्यकप्पपरियोसाने पन इतो कप्पसतसहस्साधिकस्स असङ्खयेय्यस्स उपरि अनोमदस्सी, पदुमो, नारदोति तयो बुद्धा एकस्मिं कप्पे उप्पन्ना । ततोपि असङ्ख्येय्यं बुद्धसुझमेव अहोसि । असङ्खयेय्यकप्पपरियोसाने पन इतो कप्पसतसहस्सानं उपरि पदुमुत्तरो भगवा एकोव एकस्मिं कप्पे उप्पन्नो । तस्स ओरभागे इतो तिंसकप्पसहस्सानं उपरि सुमेधो, सुजातोति द्वे बुद्धा एकस्मिं कप्पे उप्पन्ना। ततो ओरभागे इतो अट्ठारसन्नं कप्पसहस्सानं उपरि पियदस्सी, अत्थदस्सी, धम्मदस्सीति तयो बुद्धा एकस्मिं कप्पे उप्पन्ना । अथ इतो चतुनवुतिकप्पे सिद्धत्थो नाम बुद्धो एकोव एकस्मिं कप्पे उप्पन्नो। इतो द्वे नवुतिकप्पे तिस्सो, फुस्सोति द्वे बुद्धा एकस्मिं कप्पे उप्पन्ना। इतो एकनवुतिकप्पे विपस्सी भगवा उप्पन्नो । इतो एकतिंसे कप्पे सिखी, वेस्सभूति द्वे बुद्धा उप्पन्ना । इमस्मिं भद्दकप्पे ककुसन्धो, कोणागमनो, कस्सपो, गोतमो अम्हाकं सम्मासम्बुद्धोति चत्तारो बुद्धा उप्पन्ना, मेत्तेय्यो उप्पज्जिस्सति । एवमयं कप्पो पञ्चबुद्धप्पादपटिमण्डितत्ता सुन्दरकप्पो सारकप्पोति भगवा इमं कप्पं थोमेन्तो एवमाह ।
Jain Education International
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |