Page Text
________________
(१.२-३-४)
पुब्बेनिवासपटिसंयुत्तकथा
mr
|
च चुतिपटिसन्धिं ओलोकेत्वा अनुस्सरन्ति । बुद्धानं चुतिपटिसन्धिकिच्चं नत्थि, यं यं ठानं पस्सितुकामा होन्ति, तं तदेव पस्सन्ति ।
तित्थिया च पुब्बेनिवासं अनुस्सरमाना अत्तना दिट्ठकतसुतमेव अनुस्सरन्ति । तथा सावका च पच्चेकबुद्धा च । बुद्धा पन अत्तना वा परेहि वा दिट्टकतसुतं सब्बमेव अनुस्सरन्ति ।
तिथियानं पुब्बेनिवासत्राणं खज्जोपनकओभाससदिसं, सावकानं पदीपोभाससदिसं, अग्गसावकानं ओसधितारकोभाससदिसं, पच्चेकबुद्धानं चन्दोभाससदिसं, बुद्धानं सरदसूरियमण्डलोभाससदिसं। तस्स एत्तकानि जातिसतानि जातिसहस्सानि जातिसतसहस्सानीति वा एत्तकानि कप्पसतानि कप्पसहस्सानि कप्पसतसहस्सानीति वा नत्थि, यं किञ्चि अनुस्सरन्तस्स नेव खलितं, न पटिघातं होति, आवज्जनपटिबद्धमेव आकङ्घमनसिकारचित्तुप्पादपटिबद्धमेव होति । दुब्बलपत्तपुटे वेगक्खित्तनाराचो विय, सिनेरुकूटे विस्सट्ठइन्दवजिरं विय च असज्जमानमेव गच्छति। “अहो महन्तं भगवतो पुब्बेनिवासञआणन्ति एवं भगवन्तंयेव आरब्भ कथा उप्पन्ना, जाता पवत्ताति अत्थो । तं सब्बम्पि सङ्केपतो दस्सेतुं “इतिपि पुब्बेनिवासो, इतिपि पुब्वेनिवासो''ति एत्तकमेव पाळियं वुत्तं । तत्थ इतिपीति एवम्पि । ।
२-३. अस्सोसि खो...पे०... अथ भगवा अनुप्पत्तोति एत्थ यं वत्तब्बं, तं ब्रह्मजालसुत्तवण्णनायं वुत्तमेव । अयमेव हि विसेसो- तत्थ सब्बञ्जतञाणेन अस्सोसि, इध दिब्बसोतेन । तत्थ च वण्णावण्णकथा विप्पकता. इध पब्बेनिवासकथा । तस्मा भगवा"इमे भिक्खू मम पुब्बेनिवासत्राणं आरब्भ गुणं थोमेन्ति, पुब्बेनिवासजाणस्स पन मे निप्फत्तिं न जानन्ति; हन्द नेसं तस्स निप्फत्तिं कथेत्वा दस्सामी''ति आगन्त्वा पकतियापि बुद्धानं निसीदित्वा धम्मदेसनत्थमेव ठपिते तङ्खणे भिक्खूहि पप्फोटेत्वा दिन्ने वरबुद्धासने निसीदित्वा “काय नुत्थ, भिक्खवेति पुच्छाय च "इध, भन्ते''तिआदिपटिवचनस्स च परियोसाने तेसं पुब्बेनिवासपटिसंयुत्तं धम्मिं कथं कथेतुकामो इच्छेय्याथ नोतिआदिमाह । तत्थ इच्छेय्याथ नोति इच्छेय्याथ नु। अथ नं पहट्ठमानसा भिक्खू याचमाना एतस्स भगवातिआदिमाहंसु । तत्थ एतस्साति एतस्स धम्मिकथाकरणस्स ।
४. अथ भगवा तेसं याचनं गहेत्वा कथेतुकामो “तेन हि, भिक्खवे, सुणाथा'"ति
Jain Education International
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |