________________
२२६
दीघनिकाये महावग्गट्ठकथा
(६.३००-३०४)
“यावता चन्दिमसूरिया, परिहरन्ति दिसा भन्ति विरोचना। ताव सहस्सधा लोको, एत्थ ते वत्तते वसो''ति ।। (म० नि० १.५०३)
गाथाय एकचक्कवाळमेव एका लोकधातु । “सहस्सी लोकधातु अकम्पित्था"ति (अ० नि० १.३.१२६) आगतहाने चक्कवाळसहस्सं एका लोकधातु । “आकङ्खमानो, आनन्द, तथागतो तिसहस्सिमहासहस्सिलोकधातुं सरेन विज्ञापेय्य, ओभासेन च फरेय्या"ति (अ० नि० १.३.८१) आगतट्ठाने तिसहस्सिमहासहस्सी एका लोकधातु । “अयञ्च दससहस्सी लोकधातू''ति (म० नि० ३.२०१) आगतहाने दसचक्कवाळसहस्सानि एका लोकधातु | तं सन्धाय एकिस्सा लोकधातुयाति आह । एत्तकहि जातिखेत्तं नाम । तत्रापि ठपेत्वा इमस्मिं चक्कवाळे जम्बुदीपस्स मज्झिमदेसं न अझत्र बुद्धा उप्पज्जन्ति जातिखेत्ततो पन परं बुद्धानं उप्पत्तिट्ठानमेव न पचायति । येनत्थेनाति येन पवारणसङ्गहत्थेन ।
सनकुमारकथावण्णना
३००. वण्णेन चेव यससा चाति अलङ्कारपरिवारेन च पुञ्जसिरिया चाति अत्थो ।
_____३०१. साधु महाब्रह्मेति एत्थ सम्पसादने साधुसद्दो | सङ्काय मोदामाति जानित्वा मोदाम |
गोविन्दब्राह्मणवत्थुवण्णना
३०४. याव दीघरतं महापञोव सो भगवाति एत्तकन्ति परिच्छिन्दित्वा न सक्का वत्तुं, अथ खो याव दीघरत्तं अतिचिररत्तं महापञोव सो भगवा। नोति कथं तुम्हे मञथाति । अथ सयमेवेतं पहं ब्याकातुकामो- "अनच्छरियमेतं, मारिसा, यं इदानि पारमियो पूरेत्वा बोधिपल्लङ्के तिण्णं मारानं मत्थकं भिन्दित्वा पटिविद्धअसाधारणजाणो सो भगवा महापञो भवेय्य, किमेत्थ अच्छरियं, अपरिपक्काय पन बोधिया पदेसजाणे ठितस्स सरागादिकालेपि महापञभावमेव वो, मारिसा, कथेस्सामी"ति भवपटिच्छन्नकारणं आहरित्वा दस्सेन्तो भूतपुब्बं भोतिआदिमाह ।
पुरोहितोति सब्बकिच्चानि अनुसासनपुरोहितो। गोविन्दोति गोविन्दियाभिसेकेन
226
.
Jain Education International
For Private & Personal Use Only
www.jainelibrary.org
