________________
दीघनिकाये महावग्गट्ठकथा
२२३. तदासीति ‘“सह परिनिब्बाना महाभूमिचालो "ति एवं हेट्ठा वुत्तं भूमिचालमेव सन्धायाह । तञ्हि लोमहंसनञ्च भिसनकञ्च आसि । सब्बाकारवरूपेतेति सब्बवरकारणूपेते ।
१६८
२२४. अवीतरागाति पुथुज्जना चेव सोतापन्नसकदागामिनो च । तेसञ्हि दोमनस्सं अप्पहीनं । तस्मा तेपि बाहा पग्गय्ह कन्दन्ति । उभोपि हत्थे सीसे ठपेत्वा रोदन्तीति सब्बं पुरिमनयेनेव वेदितब्बं ।
२२५. उज्झायन्तीति “ 'अय्या अत्तनापि अधिवासेतुं न सक्कोन्ति, सेसजनं कथं समस्सासेस्सन्ती'ति वदन्तियो उज्झायन्ति । कथंभूता पन भन्ते आयस्मा अनुरुद्धो देवता मनसिकरोतीति देवता, भन्ते, कथंभूता आयस्मा अनुरुद्धो सल्लक्खेति, किं ता सत्थु परिनिब्बानं अधिवासेन्तीति ?
(३.२२३-२२७)
अथ तासं पवत्तिदस्सनत्थं थेरो सन्तावुसोति आदिमाह । तं वुत्तत्थमेव । स्तावसेसन्ति बलवपच्चूसे परिनिब्बुतत्ता रत्तिया अवसेसं चुल्लकद्धानं । धम्मिया कथायाति अञ्ञा पाटियेक्का धम्मकथा नाम नत्थि, “आवुसो सदेवके नाम लोके अप्पटि पुग्गलस्स सत्थुनो अयं मच्चुराजा न लज्जति, किमङ्गं पन लोकियमहाजनस्स लज्जिस्सती 'ति एवरूपाय पन मरणपटिसंयुत्ताय कथाय वीतिनामेसुं । तेसहि तं कथं कथेन्तानं मुहुत्तेनेव अरुणं उग्गच्छि ।
२२६. अथ खोति अरुणुग्गं दिस्वाव थेरो थेरं एतदवोच । तेनेव करणीयेनाति कीदिसेन नु खो परिनिब्बानट्ठाने मालागन्धादिसक्कारेन भवितब्बं, कीदिसेन भिक्खुसङ्घस्स निसज्जट्ठानेन भवितब्बं, कीदिसेन खादनीयभोजनीयेन भवितब्बन्ति, एवं यं भगवतो परिनिब्बुतभावं सुत्वा कत्तब्बं तेनेव करणीयेन ।
बुद्धसरीरपूजावण्णना
२२७. सब्बञ्च ताळावचरन्ति सब्बं तूरियभण्डं । सन्निपातेथाति भेरिं चरापेत्वा समारथ । ते तथेव अकंसु । मण्डलमाळेति दुस्समण्डलमाळे । पटियादेन्ताति सज्जेन्ता ।
दक्खिन दक्खिणन्ति नगरस्स दक्खिणदिसाभागेनेव दक्खिणदिसाभागं । बाहिरेन
Jain Education International
168
For Private & Personal Use Only
www.jainelibrary.org
