Page Text
________________
(३.२२८-२२९)
बुद्धसरीरपूजावण्णना
बाहिरन्ति अन्तोनगरं अप्पवेसेत्वा बाहिरेनेव नगरस्स बाहिरपस्सं हरित्वा । दक्खिणतो नगरस्साति अनुराधपुरस्स दक्खिणद्वारसदिसे ठाने ठपेत्वा सक्कारसम्मानं कत्वा जेतवनसदिसे ठाने झापेस्सामाति अत्थो ।
२२८. अट्ठ मल्लपामोक्खाति मज्झिमवया थामसम्पन्ना अट्ठमल्लराजानो । सीसं न्हाताति सीसं धोवित्वा नहाता । आयस्मन्तं अनुरुद्धन्ति थेरोव दिब्बचक्खुकोति पाकटो, तस्मा ते सन्तेसुपि असु महाथेरेसु - " अयं नो पाकटं कत्वा कथेस्सती 'ति थेरं पुच्छिंसु । कथं पन, भन्ते, देवतानं अधिप्पायोति भन्ते, अम्हाकं ताव अधिप्पायं जानाम | देवतानं कथं अधिप्पायोति पुच्छन्ति । थेरो पठमं तेसं अधिप्पायं दस्सेन्तो तुम्हाकं खोतिआदिमाह । मकुटबन्धनं नाम मल्लानं चेतियन्ति मल्लराजूनं पसाधनमङ्गलसालाय एवं नामं । चित्तीकतट्ठेन पनेसा " चेतियन्ति वुच्चति ।
१६९
२२९. याव सन्धिसमलसङ्कटीराति एत्थ सन्धि नाम घरसन्धि । समलं नाम गूथरासिनिद्धमनपनाकि । सङ्कटीरं नाम सङ्कारट्ठानं । दिब्बेहि च मानुसकेहि च नच्चेहीति उपरि देवतानं नच्चानि होन्ति, हेट्ठा मनुस्सानं । एस नयो गीतादीसु । अपिच देवतानं अन्तरे मनुस्सा, मनुस्सानं अन्तरे देवताति एवम्पि सक्करोन्ता पूजेन्ता अगमंसु । मज्झेन मज्झं नगरस्स हरित्वाति एवं हरियमाने भगवतो सरीरे बन्धुलमल्लसेनापतिभरिया मल्लिका नाम - "भगवतो सरीरं आहरन्ती "ति सुत्वा अत्तनो सामिकस्स कालं किरियतो पट्टाय अपरिभुञ्जित्वा ठपितं विसाखाय पसाधनसदिसं महालतापसाधनं नीहरापेत्वा - "इमिना सत्थारं पूजेस्सामी 'ति तं मज्जापेत्वा गन्धोदकेन धोवित्वा द्वारे ठिता ।
तं किर पसाधनं तासञ्च द्विन्नं इत्थीनं देवदानियचोरस्स गेहेति तीसुयेव ठानेसु अहोसि । सा च सत्थु सरीरे द्वारं सम्पत्ते - "ओतारेथ, ताता, सत्थुसरीर "न्ति वत्वा तं पसाधनं सत्थुसरीरे पटिमुञ्चि । तं सीसतो पट्ठाय पटिमुक्कं यावपादतलागतं । सुवण्णवण्णं भगवतो सरीरं सत्तरतनमयेन महापसाधनेन पसाधितं अतिविय विरोचित्थ । तं सा दिस्वा पसन्नचित्ता पत्थनं अकासि - "भगवा याव वट्टे संसरिस्सामि, ताव मे पाटियेक्कं पसाधनकिच्चं मा होतु, निच्चं पटिमुक्कपसाधनसदिसमेव सरीरं होतू" ति ।
Jain Education International
अथ भगवन्तं सत्तरतनमयेन महापसाधनेन उक्खिपित्वा पुरत्थिमेन द्वारेन नीहरित्वा पुरत्थिमेन नगरस्स मकुटबन्धनं मल्लानं चेतियं, एत्थ भगवतो सरीरं निक्खिपिंसु ।
169
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |