________________
(३.१.३९-४०)
१.पाथिकसुत्तं
उपपज्जति । सो तत्थ होति मनोमयो पीतिभक्खो सयंपभो अन्तलिक्खचरो सुभट्ठायी, चिरं दीघमद्धानं तिठ्ठति ।
'तस्स तत्थ एककस्स दीघरत्तं निवुसितत्ता अनभिरति परितस्सना उप्पज्जति - अहो वत अञपि सत्ता इत्थत्तं आगच्छेय्युन्ति । अथ अञपि सत्ता आयुक्खया वा पुञक्खया वा आभस्सरकाया चवित्वा ब्रह्मविमानं उपपज्जन्ति तस्स सत्तस्स सहब्यतं । तेपि तत्थ होन्ति मनोमया पीतिभक्खा सयंपभा अन्तलिक्खचरा सुभट्टायिनो, चिरं दीघमद्धानं तिठ्ठन्ति ।
३९. 'तत्रावुसो, यो सो सत्तो पठमं उपपन्नो, तस्स एवं होति - अहमस्मि ब्रह्मा महाब्रह्मा अभिभू अनभिभूतो अञदत्थुदसो वसवत्ती इस्सरो कत्ता निम्माता सेट्ठो सजिता वसी पिता भूतभब्यानं, मया इमे सत्ता निम्मिता । तं किस्स हेतु ? ममहि पुब्बे एतदहोसि - अहो वत अञपि सत्ता इत्थत्तं आगच्छेय्युन्ति; इति मम च मनोपणिधि । इमे च सत्ता इत्थत्तं आगता'ति ।
'येपि ते सत्ता पच्छा उपपन्ना, तेसम्पि एवं होति- 'अयं खो भवं ब्रह्मा महाब्रह्मा अभिभू अनभिभूतो अञदत्थुदसो वसवत्ती इस्सरो कत्ता निम्माता सेट्ठो सजिता वसी पिता भूतभब्यानं; इमिना मयं भोता ब्रह्मना निम्मिता । तं किस्स हेतु ? इमहि मयं अद्दसाम इध पठमं उपपन्नं; मयं पनाम्ह पच्छा उपपन्ना'ति ।
४०. 'तत्रावुसो, यो सो सत्तो पठमं उपपन्नो, सो दीघायुकतरो च होति वण्णवन्ततरो च महेसक्खतरो च । ये पन ते सत्ता पच्छा उपपन्ना, ते अप्पायुकतरा च होन्ति दुब्बण्णतरा च अप्पेसक्खतरा च ।
_ 'ठानं खो पनेतं, आवुसो, विज्जति, यं अचतरो सत्तो तम्हा काया चवित्वा इत्थत्तं आगच्छति । इत्थत्तं आगतो समानो अगारस्मा अनगारियं पब्बजति । अगारस्मा अनगारियं पब्बजितो समानो आतप्पमन्वाय पधानमन्वाय अनुयोगमन्वाय अप्पमादमन्वाय सम्मामनसिकारमन्वाय तथारूपं चेतोसमाधिं फुसति, यथासमाहिते चित्ते तं पुब्बेनिवासं अनुस्सरति; ततो परं नानुस्सरति ।
21
Jain Education International
For Private & Personal Use Only
www.jainelibrary.org
