Dighnikayo Part 3

SR No.: 009978
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 338
Language: Sanskrit
Classification: Interfaith & Buddhism
File Size: 11 MB

Page 104

(३.४.१२१-१२२)
४. अग्गझसुत्तं
६३
अन्धकारतिमिसा | न चन्दिमसूरिया पञ्जायन्ति, न नक्खत्तानि तारकरूपानि पञ्जायन्ति, न रत्तिन्दिवा पञ्जायन्ति, न मासड्ढमासा पञ्जायन्ति, न उतुसंवच्छरा पञ्जायन्ति, न इत्थिपुमा पञ्जायन्ति, सत्ता सत्तात्वेव सङ्ख्यं गच्छन्ति । अथ खो तेसं, वासेट्ठ, सत्तानं कदाचि करहचि दीघस्स अद्भुनो अच्चयेन रसपथवी उदकस्मिं समतनि; सेय्यथापि नाम पयसो तक्कस्स निब्बायमानस्स उपरि सन्तानकं होति, एवमेव पातुरहोसि । सा अहोसि वण्णसम्पन्ना गन्धसम्पन्ना रससम्पन्ना, सेय्यथापि नाम सम्पन्नं वा सप्पि सम्पन्नं वा नवनीतं एवंवण्णा अहोसि । सेय्यथापि नाम खुद्दमधुं अनेळकं, एवमस्सादा अहोसि । अथ खो, वासेठ्ठ, अञ्जतरो सत्तो लोलजातिको - 'अम्भो, किमेविदं भविस्सती'ति रसपथविं अङ्गुलिया सायि । तस्स रसपथविं अङ्गुलिया सायतो अच्छादेसि, तण्हा चस्स ओक्कमि । अञपि खो, वासेट्ट, सत्ता तस्स सत्तस्स दिट्ठानुगतिं आपज्जमाना रसपथविं अङ्गुलिया सायिंसु । तेसं रसपथविं अङ्गुलिया सायतं अच्छादेसि, तण्हा च तेसं ओक्कमि ।
चन्दिमसूरियादिपातुभावो
१२१. “अथ खो ते, वासेठ्ठ, सत्ता रसपथविं हत्थेहि आलुप्पकारकं उपक्कमिंसु परिभुजितुं । यतो खो ते, वासेट्ठ, सत्ता रसपथविं हत्थेहि आलुप्पकारकं उपक्कमिंसु परिभुजितुं । अथ तेसं सत्तानं सयंपभा अन्तरधायि । सयंपभाय अन्तरहिताय चन्दिमसूरिया पातुरहेसुं। चन्दिमसूरियेसु पातुभूतेसु नक्खत्तानि तारकरूपानि पातुरहेसुं । नक्खत्तेसु तारकरूपेसु पातुभूतेसु रत्तिन्दिवा पञायिंसु । रत्तिन्दिवेसु पञ्जायमानेसु मासड्डमासा पञायिंसु । मासड्डमासेसु पञ्जायमानेसु उतुसंवच्छरा पञायिंसु । एत्तावता खो, वासेठ्ठ, अयं लोको पुन विवट्टो होति ।
१२२. “अथ खो ते, वासेठ्ठ, सत्ता रसपथविं परिभुञ्जन्ता तंभक्खा तदाहारा चिरं दीघमद्धानं अटुंसु | यथा यथा खो ते, वासेठ्ठ, सत्ता रसपथविं परिभुञ्जन्ता तंभक्खा तदाहारा चिरं दीघमद्धानं अटुंसु, तथा तथा तेसं सत्तानं (रसपथविं परिभुञ्जन्तान) खरत्तञ्चेव कायस्मिं ओक्कमि, वण्णवेवण्णता च पञायित्थ । एकिदं सत्ता वण्णवन्तो होन्ति, एकिदं सत्ता दुब्बण्णा। तत्थ ये ते सत्ता वण्णवन्तो, ते दुब्बण्णे सत्ते अतिमञ्जन्ति- 'मयमेतेहि वण्णवन्ततरा, अम्हेहेते दुब्बण्णतरा'ति । तेसं वण्णातिमानपच्चया मानातिमानजातिकानं रसपथवी अन्तरधायि । रसाय पथविया अन्तरहिताय सन्निपतिसु। सन्निपतित्वा अनुत्थुनिसु- 'अहो रसं, अहो रस'न्ति !