________________
दीघनिकायो-३
तं राजा पसेनदि कोसलो तथागते निपच्चकारं अभिवादनं पच्चुट्ठानं अञ्जलिकम्मं सामीचिकम्मं, न नं 'सुजातो समणो गोतमो, दुज्जातोहमस्मि । बलवा समणो गोतमो, दुब्बलोहमस्मि । पासादिको समणो गोतमो, दुब्बण्णोहमस्मि । महेसक्खो समणो गोतमो, अप्पेसक्खोहमस्मीति । अथ खो नं धम्मंयेव सक्करोन्तो धम्मं गरुं करोन्तो धम्मं मानेन्तो धम्मं पूजेन्तो धम्मं अपचायमानो एवं राजा पसेनदि कोसलो तथागते निपच्चकारं करोति, अभिवादनं पच्चुट्ठानं अञ्जलिकम्मं सामीचिकम्मं । इमिनापि खो एतं, वासेट्ठ, परियायेन वेदितब्बं, यथा धम्मोव सेट्ठो जनेतस्मिं दिट्ठे चेव धम्मे अभिसम्परायञ्च ।
६२
११८. “तुम्हे ख्वत्थ, वासेट्ठ, नानाजच्चा नानानामा नानागोत्ता नानाकुला अगारस्मा अनगारियं बजिता । 'के तुम्हे 'ति - पुट्ठा समाना 'समणा सक्यपुत्तियाम्हा'ति - पटिजानाथ । यस्स खो पनस्स, वासेट्ठ, तथागते सद्धा निविट्ठा मूलजाता पतिट्ठिता दळ्हा असंहारिया समणेन वा ब्राह्मणेन वा देवेन वा मारेन वा ब्रह्मना वा केनचि वा लोकस्मिं, तस्सेतं कल्लं वचनाय - 'भगवतोम्हि पुत्तो ओरसो मुखतो जातो धम्मजो धम्मनिम्मितो धम्मदायादो 'ति । तं किस्स हेतु ? तथागतस्स हेतं, वासेट्ठ, अधिवचनं 'धम्मकायो' इतिपि, 'ब्रह्मकायो' इतिपि, 'धम्मभूतो' इतिपि, 'ब्रह्मभूतो' इतिपि ।
११९. “होति खो सो, वासेट्ठ, समयो यं कदाचि करहचि दीघरस अद्भुनो अच्चयेन अयं लोको संवट्टति । संवट्टमाने लोके येभुय्येन सत्ता आभस्सरसंवत्तनिका होति । ते तत्थ होन्ति मनोमया पीतिभक्खा सयंपभा अन्तलिक्खचरा सुभट्ठायिनो चिरं दीघमद्धानं तिट्ठन्ति |
(३.४.११८-१२०)
“होति खो सो, वासेट्ठ, समयो यं कदाचि करहचि दीघस्स अद्भुनो अच्चयेन अयं लोको विवट्टति । विवट्टमाने लोके येभुय्येन सत्ता आभस्सरकाया चवित्वा इत्थत्तं आगच्छन्ति । ते होन्ति मनोमया पीतिभक्खा सयंपभा अन्तलिक्खचरा सुभट्ठायिनो चिरं दीघमद्धानं तिट्ठन्ति ।
रसपथविपातुभावो
१२०. “ एकोदकीभूतं खो पन, वासेट्ठ, तेन समयेन होति अन्धकारो
Jain Education International
62
For Private & Personal Use Only
www.jainelibrary.org
