________________
दीघनिकायो-३
(३.४.१२३-१२४)
तदेतरहिपि मनुस्सा कञ्चिदेव सुरसं लभित्वा एवमाहंसु - 'अहो रसं, अहो रसन्ति ! तदेव पोराणं अग्गजं अक्खरं अनुसरन्ति, न त्वेवस्स अत्थं आजानन्ति ।
भूमिपप्पटकपातुभावो १२३. “अथ खो तेसं, वासेठ्ठ, सत्तानं रसाय पथविया अन्तरहिताय भूमिपप्पटको पातुरहोसि । सेय्यथापि नाम अहिच्छत्तको, एवमेव पातुरहोसि । सो अहोसि वण्णसम्पन्नो गन्धसम्पन्नो रससम्पन्नो, सेय्यथापि नाम सम्पन्नं वा सप्पि सम्पन्नं वा नवनीतं एवंवण्णो अहोसि । सेय्यथापि नाम खुद्दमधुं अनेळकं, एवमस्सादो अहोसि ।
“अथ खो ते, वासेठ्ठ, सत्ता भूमिपप्पटकं उपक्कमिंसु परिभुजितुं । ते तं परिभुञ्जन्ता तंभक्खा तदाहारा चिरं दीघमद्धानं अटुंसु । यथा यथा खो ते, वासेठ्ठ, सत्ता भूमिपप्पटकं परिभुञ्जन्ता तंभक्खा तदाहारा चिरं दीघमद्धानं अटुंसु, तथा तथा तेसं सत्तानं भिय्योसो मत्ताय खरत्तञ्चेव कायस्मिं ओक्कमि, वण्णवेवण्णता च पञायित्थ । एकिदं सत्ता वण्णवन्तो होन्ति, एकिदं सत्ता दुब्बण्णा। तत्थ ये ते सत्ता वण्णवन्तो, ते दुब्बण्णे सत्ते अतिमञ्जन्ति - ‘मयमेतेहि वण्णवन्ततरा, अम्हेहेते दुब्बण्णतरा'ति । तेसं वण्णातिमानपच्चया मानातिमानजातिकानं भूमिपप्पटको अन्तरधायि ।
पदालतापातुभावो १२४. “भूमिपप्पटके अन्तरहिते पदालता पातुरहोसि, सेय्यथापि नाम कलम्बुका, एवमेव पातुरहोसि । सा अहोसि वण्णसम्पन्ना गन्धसम्पन्ना रससम्पन्ना, सेय्यथापि नाम सम्पन्नं वा सप्पि सम्पन्नं वा नवनीतं एवंवण्णा अहोसि । सेय्यथापि नाम खुद्दमधुं अनेळकं, एवमस्सादा अहोसि ।
__“अथ खो ते, वासेट्ट, सत्ता पदालतं उपक्कमिंसु परिभुजितुं । ते तं परिभुञ्जन्ता तंभक्खा तदाहारा चिरं दीघमद्धानं अटुंसु । यथा यथा खो ते, वासेट्ठ, सत्ता पदालतं परिभुञ्जन्ता तंभक्खा तदाहारा चिरं दीघमद्धानं अटुंसु, तथा तथा तेसं सत्तानं भिय्योसोमत्ताय खरत्तञ्चेव कायस्मिं ओक्कमि, वण्णवेवण्णता च पञायित्थ । एकिदं सत्ता वण्णवन्तो होन्ति, एकिदं सत्ता दुब्बण्णा | तत्थ ये ते सत्ता वण्णवन्तो, ते दुब्बण्णे
64
Jain Education International
For Private & Personal Use Only
www.jainelibrary.org
