Page Text
________________
१. महापदानत्तं
मञ्ञसी'ति । अथ खो, भिक्खवे, विपस्सी कुमारो भद्दं भद्दं यानं अभिरुहित्वा भद्देहि भद्देहि यानेहि उय्यानभूमिं निय्यासि ।
(२.१.४४-४५)
४४. “अद्दसा खो, भिक्खवे, विपस्सी कुमारो उय्यानभूमिं निय्यन्तो पुरिसं जिणं गोपानसिवङ्कं भोग्गं दण्डपरायनं पवेधमानं गच्छन्तं आतुरं गतयोब्बनं । दिवा सारथिं आमन्तेसि – ‘अयं पन, सम्म सारथि, पुरिसो किंकतो ? केसापिस्स न यथा अञ्ञे, कायोपिस्स न यथा अञ्जेस' न्ति । 'एसो खो, देव, जिण्णो नामा'ति । “किं पनेसो, सम्म सारथि, जिण्णो नामा" ति ? " एसो खो, देव, जिण्णो नाम । न दानि तेन चिरं जीवितब्बं भविस्सती 'ति । " किं पन, सम्म सारथि, अहम्पि जराधम्मो, जरं अनतीतो’”ति ? “त्वञ्च, देव, मयञ्चम्ह सब्बे जराधम्मा, जरं अनतीता”ति । “तेन हि, सम्म सारथि, अलं दानज्ज उय्यानभूमिया । इतोव अन्तेपुरं पच्चनिय्याही 'ति । एवं, देवा'ति खो, भिक्खवे, सारथि विपस्सिस्स कुमारस्स पटिस्सुत्वा ततोव अन्तेपुरं पच्चनिय्यासि । तत्र सुदं, भिक्खवे, विपस्सी कुमारो अन्तेपुरं गतो दुक्खी दुम्मनो पज्झायति - 'धिरत्थु किर, भो, जाति नाम, यत्र हि नाम जातस्स जरा पञ्ञायिस्सती 'ति !
४५. “अथ खो, भिक्खवे, बन्धुमा राजा सारथिं आमन्तापेत्वा एतदवोच - 'कच्चि, सम्म सारथि, कुमारो उय्यानभूमिया अभिरमित्थ ? कच्चि, सम्म सारथि, कुमारो उय्यानभूमिया अत्तमनो अहोसी 'ति ? 'न खो, देव, कुमारो उय्यानभूमिया अभिरमित्थ, न खो, देव, कुमारो उय्यानभूमिया अत्तमनो अहोसी 'ति । 'किं पन, सम्म सारथि, अद्दस कुमारो उय्यानभूमिं निय्यन्तो 'ति ? ' अद्दसा खो, देव, कुमारो उय्यानभूमिं निय्यन्तो पुरिसं जिणं गोपानसिव भोग्गं दण्डपरायनं पवेधमानं गच्छन्तं आतुरं गतयोब्बनं । दिस्वा मं एतदवोच - अयं पन, सम्म सारथि, पुरिसो किंकतो, केसापस्स न यथा अञ्ञसं, कायोपिस्स न यथा अञ्जेस' न्ति ? 'एसो खो, देव, जिण्णो नामा'ति । 'किं पनेसो, सम्म सारथि, जिणो नामा'ति ? 'एसो खो, देव, जिण्णो नाम न दानि तेन चिरं जीवितब्बं भविस्सती 'ति । 'किं पन, सम्म सारथि, अहम्पि जराधम्मो, जरं अनतीतो 'ति ? ' त्वञ्च, देव, मयञ्चम्ह सब्बे जराधम्मा, जरं अनतीता'ति ।
तेन हि सम्म पच्चनिय्याही’ति । “एवं
Jain Education International
१७
सारथि, अलं दानज्ज उय्यानभूमिया, इतोव अन्तेपुरं देवा" ति खो अहं, देव, विपस्सिस्स कुमारस्स पटिस्सुवा
17
For Private & Personal Use Only
www.jainelibrary.org
| SR No. | 009977 |
| Book Title | Dighnikayo Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith & Buddhism |
| File Size | 13 MB |