________________
१६
दीघनिकायो-२
३९. “जातस्स खो पन, भिक्खवे, विपस्सिस्स कुमारस्स कम्मविपाकजं दिब्बचक्खु पातुरहोसि। येन सुदं समन्ता योजनं पस्सति दिवा चेव रत्तिञ्च ।
४०. “जातो खो पन, भिक्खवे, विपस्सी कुमारो अनिमिसन्तो पेक्खति यथापि देवा तावतिंसा । 'अनिमिसन्तो कुमारो पेक्खती 'ति खो, भिक्खवे, विपस्सिस्स कुमारस्स 'विपस्सी विपस्सी' त्वेव समञ्ञ उदपादि ।
(२.१.३९-४३)
४१. “अथ खो, भिक्खवे, बन्धुमा राजा अत्थकरणे निसिन्नो विपस्सिं कुमारं अ निसीदापेत्वा अत्थे अनुसासति । तत्र सुदं, भिक्खवे, विपस्सी कुमारो पितुअङ्के निसिन्नो विचेय्य विचेय्य अत्थे पनायति आयेन । विचेय्य विचेय्य कुमारो अत्थे पनायति आयेनाति खो, भिक्खवे, विपस्सिस्स कुमारस्स भिय्योसोमत्ताय 'विपस्सी विपस्सी' त्वेव समञ्ञा उदपादि ।
,
४२. “अथ खो, भिक्खवे, बन्धुमा राजा विपस्सिस्स कुमारस्स तयो पासादे कारापेसि, एकं वस्सिकं एकं हेमन्तिकं एकं गिम्हिकं पञ्च कामगुणानि उपट्ठापेसि । तत्र सुदं, भिक्खवे, विपस्सी कुमारो वस्सिके पासादे चत्तारो मासे निप्पुरिसेहि तूरियेहि परिचारयमानो न हेट्ठापासादं ओरोहती 'ति ।
पठमभाणवारो ।
Jain Education International
जिण्णपुरिसो
४३. “अथ खो, भिक्खवे, विपस्सी कुमारो बहूनं वस्सानं बहूनं वस्ससतानं बहूनं वस्ससहस्सानं अच्चयेन सारथिं आमन्तेसि - 'योजेहि, सम्म सारथि, भद्दानि भद्दानि यानानि; उय्यानभूमिं गच्छाम सुभूमिदस्सनाया'ति । एवं, देवा' ति खो, भिक्खवे, सारथि विपस्सिस्स कुमारस्स पटिस्सुत्वा भद्दानि भद्दानि यानानि योजेत्वा विपस्सिस्स कुमारस्स पटिवेदेसि -- 'युत्तानि खो ते, देव, भद्दानि भद्दानि यानानि, यस्स दानि कालं
16
For Private & Personal Use Only
www.jainelibrary.org
