Page Text
________________
२५४
दीघनिकायो-२
(२.१०.४३०-४३०)
तिणकट्ठोदकं हरितकपण्णं । यंनून मयं इमं सत्थं द्विधा विभजेय्याम - एकतो पञ्च सकटसतानि एकतो पञ्च सकटसतानी'ति । 'ते तं सत्थं द्विधा विभजिंसु एकतो पञ्च सकटसतानि एकतो पञ्च सकटसतानि । एको सत्थवाहो बहुं तिणञ्च कठ्ठञ्च उदकञ्च आरोपेत्वा सत्थं पयापेसि । द्वीहतीहपयातो खो पन सो सत्थो अद्दस पुरिसं काळं लोहितक्खं सन्नद्धकलापं कुमुदमालिं अल्लवत्थं अल्लकेसं कद्दममक्खितेहि चक्केहि भद्रेन रथेन पटिपथं आगच्छन्तं', दिस्वा एतदवोच- 'कुतो, भो, आगच्छसी'ति ? 'अमुकम्हा जनपदा'ति । 'कुहिं गमिस्ससी'ति ? 'अमुकं नाम जनपदन्ति । 'कच्चि, भो, पुरतो कन्तारे महामेघो अभिप्पवुट्टो ति ? ‘एवं, भो, पुरतो कन्तारे महामेघो अभिप्पवुट्ठो, आसित्तोदकानि वटुमानि, बहु तिणञ्च कट्ठञ्च उदकञ्च । छड्डेथ, भो, पुराणानि तिणानि कट्ठानि उदकानि, लहुभारेहि सकटेहि सीघं सीघं गच्छथ, मा योग्गानि किलमित्था'ति ।
“अथ खो सो सत्थवाहो सत्थिके आमन्तेसि - ‘अयं, भो, पुरिसो एवमाह - पुरतो कन्तारे महामेघो अभिप्पवुट्ठो, आसित्तोदकानि वटुमानि, बहु तिणञ्च कटुञ्च उदकञ्च । छड्डेथ, भो, पुराणानि तिणानि कट्ठानि उदकानि, लहुभारेहि सकटेहि सीघं सीघं गच्छथ, मा योग्गानि किलमित्थाति । छड्डेथ, भो, पुराणानि तिणानि कट्ठानि उदकानि, लहुभारेहि सकटेहि सत्थं पयापेथा'ति । ‘एवं, भो'ति खो ते सत्थिका तस्स सत्थवाहस्स पटिस्सुत्वा छड्डत्वा पुराणानि तिणानि कट्ठानि उदकानि लहुभारेहि सकटेहि सत्थं पयापेसुं। ते पठमेपि सत्थवासे न अद्दसंसु तिणं वा कटुं वा उदकं वा। दुतियेपि सत्थवासे... ततियेपि सत्थवासे... चतुत्थेपि सत्थवासे... पञ्चमेपि सत्थवासे... छठेपि सत्थवासे... सत्तमेपि सत्थवासे न अद्दसंसु तिणं वा कटुं वा उदकं वा। सब्बेव अनयब्यसनं आपज्जिंसु । ये च तस्मिं सत्थे अहेसुं मनुस्सा वा पसू वा, सब्बे सो यक्खो अमनुस्सो भक्खेसि । अट्टिकानेव सेसानि ।।
“यदा अञ्जासि दुतियो सत्थवाहो- 'बहुनिक्खन्तो खो, भो, दानि सो सत्थो'ति । बहुं तिणञ्च कट्ठञ्च उदकञ्च आरोपेत्वा सत्थं पयापेसि । द्वीहतीहपयातो खो पन सो सत्थो अद्दस पुरिसं काळं लोहितक्खं सन्नद्धकलापं कुमुदमालिं अल्लवत्थं अल्लकेसं कद्दममक्खितेहि चक्केहि भद्रेन रथेन पटिपथं आगच्छन्तं, दिस्वा एतदवोच- 'कुतो, भो, आगच्छसी'ति ? 'अमुकम्हा जनपदा'ति । 'कुहिं गमिस्ससी'ति ? 'अमुकं नाम जनपदन्ति । 'कच्चि, भो, पुरतो कन्तारे महामेघो अभिप्पवुट्ठो'ति ? ‘एवं, भो, पुरतो कन्तारे महामेघो अभिप्पवुट्ठो। आसित्तोदकानि वटुमानि, बहु तिणञ्च कट्ठञ्च उदकञ्च ।
254
Jain Education International
For Private & Personal Use Only
www.jainelibrary.org
| SR No. | 009977 |
| Book Title | Dighnikayo Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith & Buddhism |
| File Size | 13 MB |