Page Text
________________
१०. पायासिसुतं
सचे च ते अग्गि निब्बायेय्य, अयं वासी इमानि कट्ठानि इदं अरणिसहितं, अग्गिं निब्बत्तेत्वा अग्गिं परिचरेय्यासीति । यंनूनाहं अग्गिं निब्बत्तेत्वा अग्गिं परिचरेय्यन्ति । अथ ख्वाहं, तात, अरणिसहितं वासिया तच्छिं- 'अप्पेव नाम अग्गिं अधिगच्छेय्यन्ति । नेवाहं अग्गिं अधिगच्छिं । अरणिसहितं द्विधा फालेसिं, तिधा फालेसिं, चतुधा फालेसिं, पञ्चधा फालेसिं, दसधा फालेसिं, सतधा फालेसिं, सकलिकं सकलिकं अकासिं, सकलिकं सकलिकं करित्वा उदुक्खले कोट्टेसिं, उदुक्खले कोट्टेत्वा महावाते ओपुनिं - 'अप्पेव नाम अग्गिं अधिगच्छेय्यन्ति । नेवाहं अग्गिं अधिगच्छिन्ति । अथ खो तस्स अग्गिकस्स जटिलस्स एतदहोसि - 'याव बालो अयं दारको अब्यत्तो, कथञ्हि नाम अयोनिसो अग्गिं गवेसिस्सती 'ति । तस्स पेक्खमानस्स अरणिसहितं गहेत्वा अग्गिं निब्बत्तेत्वा तं दारकं एतदवोच - ' एवं खो, तात, अग्गि निब्बत्तेतब्बो । न त्वेव यथा त्वं बालो अब्यत्तो अयोनिसो अग्गिं गवेसी 'ति । 'एवमेव खो त्वं, राजञ्ञ, बालो अब्यत्तो अयोनिसो परलोकं गवेसिस्ससि । पटिनिस्सज्जेतं, राजञ्ञ, पापकं दिट्ठिगतं, पटिनिस्सज्जेतं राजञ्ञ, पापकं दिट्ठिगतं, मा ते अहोसि दीघरत्तं अहिताय दुक्खाया'ति ।
(२.१०.४२९-४३०)
४२९. “किञ्चापि भवं कस्सपो एवमाह, अथ खो नेवाहं सक्कोमि इदं पापकं दिट्ठगतं पटिनिस्सज्जितुं । राजापि मं पसेनदि कोसलो जानाति तिरोराजानोपि – 'पायासि राजञ एवंवादी एवंदिट्ठी - इतिपि नत्थि परो लोको, नत्थि सत्ता ओपपातिका, नत्थि सुकतदुक्कटानं कम्मानं फलं विपाको 'ति । सचाहं भो कस्सप इदं पापकं दिट्टिगतं पटिनिस्सज्जिस्सामि, भविस्सन्ति मे वत्तारो - 'याव बालो पायासि राजञ्ञो अब्यत्तो दुग्गहितगाही 'ति । कोपेनपि नं हरिस्सामि, मक्खेनपि नं हरिस्सामि, पलासेनपि नं हरिस्सामी 'ति ।
द्वे सत्थवाहउपमा
४३०. “तेन हि, राजञ्ञ, उपमं ते करिस्सामि, उपमाय मिधेकच्चे विञ्ञू पुरिसा भासितस्स अत्थं आजानन्ति । 'भूतपुब्बं राजञ्ञ, महासकटसत्थो सकटसहस्सं पुरथिमा जनपदा पच्छिमं जनपदं अगमासि । सो येन येन गच्छ, खिप्पंयेव परियादियति तिणकट्ठोदकं हरितकपण्णं । तस्मिं खो पन सत्थे द्वे सत्थवाहा अहेसुं एको पञ्चन्नं सकटसतानं, एको पञ्चन्नं सकटसतानं । अथ खो तेसं सत्थवाहानं एतदहोसि - अयं खो महासकटसत्थो सकटसहस्सं ते मयं येन येन गच्छाम, खिप्पमेव परियादियति
Jain Education International
२५३
253
For Private & Personal Use Only
www.jainelibrary.org
| SR No. | 009977 |
| Book Title | Dighnikayo Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith & Buddhism |
| File Size | 13 MB |