Page Text
________________
१०. पायासिसुत्तं
छड्डेथ, भो, पुराणानि तिणानि कट्ठानि उदकानि, लहुभारेहि सकटेहि सीघं सीघं गच्छथ, मा योग्गानि किलमित्था 'ति ।
(२.१०.४३१-४३१)
“अथ खो सो सत्थवाहो सत्थिके आमन्तेसि - 'अयं भो, पुरिसो एवमाह - पुरतो कन्तारे महामेघो अभिप्पवुट्टो, आसित्तोदकानि वटुमानि बहु तिणञ्च कट्ठञ्च उदकञ्च । छड्डेथ, भो, पुराणानि तिणानि कट्ठानि उदकानि, लहुभारेहि सकटेहि सीघं सीघं गच्छथ; मा योग्गानि किलमित्थाति । अयं भो पुरिसो नेव अम्हाकं मित्तो, न जातिसालोहितो, कथं मयं इमस्स सद्धाय गमिस्साम । न वो छड्डेतब्बानि पुराणानि तिणानि कट्ठानि उदकानि, यथाभतेन भण्डेन सत्थं पयापेथ । न नो पुराणं छड्डेस्सामा 'ति । एवं, भो'ति खो ते सत्थिका तस्स सत्थवाहस्स पटिस्सुत्वा यथाभतेन भण्डेन सत्थं पयापेसुं । ते पठमेपि सत्थवासे न अद्दसंसु तिणं वा कट्टं वा उदकं वा । दुतियेपि सत्थवासे... ततियेपि सत्थवासे... चतुत्थेपि सत्थवासे... पञ्चमेपि सत्थवासे... छट्ठेपि सत्थवासे... सत्तमेपि सत्थवासे न अद्दसंसु तिणं वा कट्टं वा उदकं वा । तञ्च सत्थं अद्दसंसु अनयब्यसनं आपन्नं। ये च तस्मिं सत्थेपि अहेसुं मनुस्सा वा पसू वा, तेसञ्च अट्टिकानेव अद्दसंसु तेन यक्खेन अमनुस्सेन भक्खितानं ।
1
“अथ खो सो सत्थवाहो सत्थिके आमन्तेसि - 'अयं खो, भो, सत्थो अनयब्यसनं आपन्नो, यथा तं तेन बालेन सत्थवाहेन परिणायकेन । तेन हि भो, यानम्हाकं सत्थे अप्पसारानि पणियानि तानि छड्डेत्वा, यानि इमस्मिं सत्थे महासारानि पणियानि, तानि आदियथा’ति । ‘एवं, भोति खो ते सत्थिका तस्स सत्थवाहस्स पटिस्सुत्वा यानि सकस्मिं सत्थे अप्पसारानि पणियानि तानि छड्डेत्वा यानि तस्मिं सत्थे महासारानि पणियानि, तानि आदियित्वा सोत्थिना तं कन्तारं नित्थरिंसु, यथा तं पण्डितेन सत्थवाहेन परिणायकेन । एवमेव खो त्वं, राजञ्ञ, बालो अब्यत्तो अनयब्यसनं आपज्जिस्ससि अयोनिसो परलोकं गवेसन्तो सेय्यथापि सो पुरिमो सत्थवाहो । येपि तव सोतब्बं सद्धातब्बं मञ्ञिस्सन्ति, तेपि अनयब्यसनं आपज्जिस्सन्ति, सेय्यथापि ते सत्थिका । पटिनिस्सज्जेतं, राजञ्ञ, पापकं दिट्ठिगतं; पटिनिस्सज्जेतं, राजञ्ञ, पापकं दिट्ठिगतं । मा ते अहोसि दीघरत्तं अहिताय दुक्खाया'ति ।
२५५
४३१. “किञ्चापि भवं कस्सपो एवमाह, अथ खो नेवाहं सक्कोमि इदं पापकं दिट्ठिगतं पटिनिस्सज्जितुं । राजापि मं पसेनदि कोसलो जानाति तिरोराजानोपि - ‘पायासि
Jain Education International
255
For Private & Personal Use Only
www.jainelibrary.org
| SR No. | 009977 |
| Book Title | Dighnikayo Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith & Buddhism |
| File Size | 13 MB |