________________
३१४
श्रीविजयपद्मसूरिविरचितः
अणसणभावे धण्णो, दढप्पहारी बिइज्जतइअम्मि । तणुकेसरसच्चाए, दिटुंतो मंगुसूरीसो ॥५४॥ संलीणयाइ खंधो, पच्छित्ते विउहसीहसूरिवरो । अरिहण्णगोऽवि विणए, वेयावच्चेसु बाहुबली ॥५५॥ सज्झायए सुभद्दा, वसुभूइनिदसणं सुहज्झाणे । सुत्थियसिवमुणिपवरा, काउस्सग्गम्मि दिटुंता ॥५६।। निच्छयनयमयमेयं, संवरपयनिरहिलाससमभावी ।
अप्पा कम्मंसखए, रओ तवो गुणिगुणाभेया ॥५७|| सिरितवपयपणिहाणं, आगमनोआगमेहि कायव्वं । उवओगबोहकलिओ, पढमो किरियाहिओ बीओ ॥५८।। निक्खेवचउक्काओ, पण्णत्तो पवयणे तववियारो । जस्स तव त्तिऽभिहाणं, नामतवो से मुणेअव्वो ॥५९।। तवगुणिपडिमा ठवणा, तवो नियाणण्णिओ य दव्वतवो । भावतवो णिक्कामो, समयाविहिरागरंगड्ढो ॥६०॥ उसहजिणेसरतित्थे, वरिसतवो वद्धमाणतित्थम्मि । छम्मासतवो मज्झे, उक्कोसा अट्ठमासतवो ॥६॥ नवपयसाहणसमए, एवं तवपयवियारणा नवमे । दियहे रंगा सज्झा, पण्णासगुणाणुमाणेणं ॥६२॥ काउस्सग्गाइविही, सियधण्णायंबिलाइ कज्जाई । छट्ठदिणा नवमदिणं, जा सम्मत्ताइसुक्कत्ता ॥६३।। सिरितवपयं सरंता, पयत्थतत्तं मणंसि भावेंता । होज्जा तवस्सरूवा, साहगभव्वा करुल्लासा ॥६४॥ पयनवगे पज्जंते, भणियं तवपयमिमस्स सुहझाणं । मणथिज्जाओ सझं, पूयाइविही पवित्थारा ॥६५।। उद्देसविही भणिओ, सामण्णविही जहेव सिद्धथवे । सोऽत्थऽण्णत्थऽवि गिज्झो, आराहणतिव्वरसिएहिं ॥६६।। मणुयत्तं पुण्णेणं, नवपयमयसिद्धचक्कसंसेवा । तत्तो नवमे दिवसे, आराहेज्जा पयं नवमं ॥६७|| गुणरइरंगतरंगो, अमियविहाणायराइयपमुइओ । विविहोवमसिरिसंघो, नियगुणरंगं लहेउ सया ॥६८।। तवपयसंपूयाइय, वंदणमाणेण होज्ज कल्लाणं । उवसग्गतिमिरविलओ, विजयइ भुवणम्मि तवभाणू ॥६९।। सरनिहिनंदिंदु(१९९५)मिए, वरिसे सिरिपासनाहजम्मदिणे । सिरिसिद्धचक्कभत्ते, जइणउरीरायनयरम्मि ॥७०।।
