________________
२८८
श्रीविजयपद्मसूरिविरचितः
जिणवयणाइयजोगा, धण्णाणं चरणसेवणावसरो । साहंति मुक्खमग्गं, भणिज्जइ साहुणो तेणं ||३|| विविहतवाइ कुणंता, समणा गंथावहा य णिग्गंथा । बज्झब्भंतरभेया, गंथो उवसिओ दुविहो ||४|| नवहा बज्झोऽब्भंतरो, चोद्दसभेओ सुए समुद्दिट्ठो तत्तण्णाणी मुणिणो, मोणी णिक्कारणे समए ॥५॥ भिक्खणसीला भिक्खू, णिद्दोसत्थेसणोवओगहरा । समगुणकलिया समिणो, कसायसंती समो णेओ ||६|| परिचत्तगिहावासा, अणगारा भवविरागया सोही । संमग्गसेवणाओ, सप्पुरिसा साहुणो वुत्ता ||७|| पंचमहव्वयजुत्ते, पुढवीकायाइछक्कताणयरे । इंदियणिरोहयारी, खंते णिल्लोहसब्भावे ॥८॥ संजमविसुद्धजोगी, सुहपडिलेहाइकारगे सरले । सीयाइयमरणंतो-वसग्गसंसग्गणिभीए || ९ || दुहबंधत्तो तासं, विलहंते तत्तबोहपरिवासं । निययप्पिणं कुणंते, समणे समसायरे वंदे ॥ १०॥ काउं भवभमणंतं, नियसत्तिवियासगे निरहिमाणे । णिस्संगे पधरंते, जइधम्मे णममि हिलसाहू ||११|| अइदुल मुत्तिए, रयणतईसाहणामहाहेऊ । णिम्मलचरणगुरुवरे, अवलंबते मुणी वंदे ॥१२॥ चिच्चा पंचपमाए, नियगुणसंलक्खधारणाणिउणे । संरुद्धासवदारे, सुहसंजमपालगे वंदे ||१३|| जिणसासणपासाय- पवेसदारे णिसेसभव्वाणं । संमग्गं दरिसित्ता, पविट्ठपरिदिण्णसाहज्जे ||१४| भव्वोवयाररसिए, विसयायारासए महालद्धी । असुहज्झाणणिवित्ती, हयसल्लतिए समी वंदे ॥१५॥ तित्थयराणारंगी, गारवविकहाकसायपरिहीणे । कयपंचपयत्थच्चे, पणविहसज्झायसंलीणे ॥१६॥ चविहधम्मुवएसी, पडिमावाही सुहंगरे समिए । गुणियगुणरमणे, सुयजोगी तुट्ठणिम्मोही ||१७|| अणपरिणामी विमए-ऽणइपरिणामी विसुद्धसत्तगुणे । णियगोयरीप्पसंगे, महुयरतुल्ले सरमि साहू ||१८|| उप्पलणलगिरिसायर-गयणोरगभरकरब्भमहतुल्ले । मियकमलपवणसरिसे, वाउतिणिसधरणिसंकासे ॥१९॥
